Արխիւ

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Քանի որ ամէն ինչ ստեղծուած է Աստուծոյ կողմէ, եւ թէ Աստուած բացարձակապէս եւ անվիճելի Բարի է, ապա ուրեմն չարը որ գոյութիւն ունի, չարիքներ որոնք կը պատահին, ո՞ւրկէ են։ Արդարեւ, այս հարցը կը զբաղեցնէ միտքեր՝ պատասխան մը գտնելու համար, թէ՝ չարիքը, որ յաճախ տեղի կ՚ունենայ «գոյացութի՞ւն» է, թէ «գոյացութեան արդիւնք»։

ՄՈՒՀԱՄՄԱՏ ԱԼ-ՄԱՂՈՒԹ
Արաբերէնէ թարգմանեց՝
ՎԱՐԱՆԴ ՔՈՐԹՄՈՍԵԱՆ

Դասախօսութիւններու դահլիճը լեցուն էր այն մարդոցմով, որոնք անձրեւի ջուրին ծարաւով կու գային այնտեղ. անոնց մէջ էին՝ մտաւորականներ, անգրագէտներ, բանուորներ, պաշտօնեաներ, պարտիզպաններ, արհեստաւորներ, ուսանողները՝ յաջողակ ու ձախողակ. այս բոլորին մէջ առաջիններն էին պատերազմի հաշմանդամները եւ գործազուրկները, որոնք ձգած էին իրենց տուները, դպրոցները, պարտէզները, գործարանները, դիմակայելով ահաբեկութիւնները՝ թէ գործէն պիտի ազատուին, եւ եկած են հանդիպելու մերժումի եւ տեսութեան վարպետին հետ, այս դժուարին փուլին, որու մէջէն կ՚անցնին իրենց ազգերը, ժողովուրդներն ու հայրենիքները:

ՀՐԱՅՐ ՏԱՂԼԵԱՆ

Մի քանի օրեր առաջ ներկայ գտնուեցայ թաղման արարողութեան մը. 65 տարեկան մարդ մըն էր մահացողը. այնքան ալ մօտիկ ծանօթներ չէինք, սակայն որպէս յարգանք պարտէի ներկայ գտնուիլ յարգանքի վերջին տուրքին: Ողբացեալին ընտանիքը մօտէն չէի ճանչնար. առաջին անգամն էր կը տեսնէի տղան՝ որ արտերկիր կ՚ապրէր. լսած էի, թէ մանչ զաւակ մը ունէր, սակայն նորութիւն էր գիտնալ, որ ունի նաեւ աղջնակ մը, որուն մասին բան լսած չէի եւ ո՛չ ալ տեսած:

Տ. Եզնիկ Արք. Պետրոսեան բարձր գնահատեց սփիւռքահայ մտաւորականին կողմէ ծաւալուած աշխատանքը:
Կրետէ կղզիի մէջ փոքրաթիւ հայ համայնքի եւ հիւրերու մասնակցութեամբ շնորհանդէս՝ տքթ. Հրայր Ճէպէճեանի գիրքին համար:

Եգիպտոսի նախագահ Ապտիւլֆեթթահ էլ Սիսի կը պատրաստուի Թուրքիա այցելել՝ Հանրապետութեան նախագահ Ռեճեփ Թայյիպ Էրտողանի հրաւէրին ընդառաջ։ Անգարա-Գահիրէ առանցքին վրայ վերջին շրջանին ստեղծուած է լուրջ աշխուժութիւն, որ կ՚ուղղորդուի բարձր մակարդակի շփումներով եւ փոխադարձ այցելութիւններով։

Դիլիջանի մէջ համախմբուած դիւանագէտները կը շարունակեն բազմակողմանի քննարկումները:
Նախարար Արարատ Միրզոյեանի գլխաւորութեամբ՝ տարածաշրջանային եւ միջազգային իրադարձութիւններու շուրջ արժեւորում:

Հաքան Ֆիտան-Ճէյհուն Պայրամով հանդիպումը առիթ դարձաւ տարածաշրջանի կացութեան գնահատման:
Ամիրպէյով կրկնեց, որ խաղաղութեան պայմանագրին առջեւ հիմնական խոչընդոտն է Հայաստանի Սահմանադրութիւնը:

Երուսաղէմի պատրիարքութիւններուն եւ եկեղեցիներու հոգեւոր պետերուն մասնակցութեամբ երէկ տեղի ունեցաւ հանդիպում մը, որու աւարտին հրապարակուեցաւ յայտարարութիւն մը։ Երուսաղէմի Յունաց Պատրիարքարանին մէջ կազմակերպուած հաւաքին յաջորդած յայտարարութեամբ կոչ ուղղուեցաւ, որպէսզի Սուրբ Երկրի առկայ պատերազմը աւարտի։

ԱՆՈՒՇ ԹՐՈՒԱՆՑ

Հայ գրող, թատերագիր, երաժիշտ, փաստաբան Պարոյր Մասիկեանի մասին տեղեկութիւնները կը պակսին, բայց կան իր գիրքերը (լոյս տեսած Գահիրէ), որոնք առանձնայատուկ գոյն եւ հմայք կու տան սփիւռքահայ գրականութեան: