ՇՆՈՐՀԱՒՈՐԱԿԱՆ

30 Մարտ, 2017 թ.

ՀՈ­ԳԵՇ­ՆՈՐՀ
Տ. Ե­ՂԻ­ՇԷ ՎԱՐ­ԴԱ­ՊԵՏ ՈՒՉ­ՔՈՒ­ՆԵԱՆ
ԿՈՍ­ՏԱՆԴ­ՆՈՒ­ՊՈԼ­ՍՈՅ ՀԱ­ՅՈՑ ՊԱՏ­ՐԻԱՐ­ՔՈՒ­ԹԵԱՆ
Ե­ԿԵ­ՂԵ­ՑԱ­ԿԱՆ ՀԱ­ՄԱ­ԳՈՒ­ՄԱՐ ԺՈ­ՂՈ­ՎԻ Ա­ՏԵ­ՆԱ­ՊԵՏ

ԱՐ­ԺԱ­ՆԱ­ՊԱ­ՏԻՒ
Տ. ՏՐԴԱՏ ՔԱ­ՀԱ­ՆԱՅ ՈՒ­ԶՈՒ­ՆԵԱՆ
Ե­ԿԵ­ՂԵ­ՑԱ­ԿԱՆ ՀԱ­ՄԱ­ԳՈՒ­ՄԱՐ ԺՈ­ՂՈ­ՎԻ Ա­ՏԵ­ՆԱԴ­ՊԻՐ
Իս­թան­պուլ, Թուր­քիա

Հո­գեշ­նորհ Հայր Սուրբ,
Ար­ժա­նա­պա­տիւ Տէր Հայր,

Մար­տի 24-ին ստա­ցանք Մարտ 20, 2017 թուա­կիր ձեր գրու­թիւ­նը, ո­րով, ի դի­մաց Կոս­տանդ­նու­պոլ­սոյ Հա­յոց Պատ­րիար­քու­թեան Հա­մա­գու­մար ժո­ղո­վի, կը տե­ղե­կաց­նէք Մար­տի 15-ին Պատ­րիար­քա­րա­նի մէջ տե­ղի ու­նե­ցած ժո­ղո­վի ար­դիւն­քին ձայ­նե­րու մե­ծա­մաս­նու­թեամբ Գերշ. Տ. Գա­րե­գին Արք. Պեք­ճեա­նի՝ Պատ­րիար­քա­կան տե­ղա­պա­հի պաշ­տօ­նին ընտ­րուե­լուն մա­սին։

Սուրբ Էջ­միած­նէն Հայ­րա­պե­տա­կան Մեր օրհ­նու­թիւ­նը կը յղենք Կ. Պոլ­սոյ Հա­յոց Պատ­րիար­քու­թեան ընտ­րեալ տե­ղա­պա­հին, հո­գե­ւոր ողջ դա­սուն եւ պոլ­սա­հայ հա­ւա­տա­ւոր մեր բո­լոր զա­ւակ­նե­րուն։ Մեր յոր­դո­րը կը բե­րենք ձե­զի՝ խո­հե­մու­թեամբ ու սի­րոյ ո­գիով յաղ­թա­հա­րել առ­կայ խնդիր­ներն ու խո­չըն­դոտ­նե­րը եւ ե­կե­ղե­ցա­կան կար­գաց ու կա­նո­նաց հա­մա­ձայն գտնել բար­ւոք լու­ծում­ներ պատ­րիար­քա­կան ընտ­րու­թիւ­նը ի­րա­կա­նաց­նե­լու՝ ի նպաստ պոլ­սա­հա­յու­թեան կեան­քին մէջ խա­ղա­ղու­թեան ու հա­մե­րաշ­խու­թեան վե­րա­հաս­տատ­ման։

Իջ­ման Ս. Սե­ղա­նի առ­ջեւ Ա­մե­նո­ղորմ Տի­րոջ զօ­րակ­ցու­թիւնն ու հո­վա­նին կը հայ­ցենք ուխ­տա­պահ մեր ե­կե­ղե­ցա­կա­նաց հո­գե­ւոր ի­րենց ծա­ռա­յու­թեան մէջ՝ ի պայ­ծա­ռու­թիւն Կ. Պոլ­սոյ Պատ­րիար­քա­կան Ա­թո­ռի եւ ի բա­րօ­րու­թիւն բա­րե­պաշտ մեր զա­ւակ­նե­րուն։

                                                                                                                                                                                              Օրհ­նու­թեամբ՝

ԳԱ­ՐԵ­ԳԻՆ Բ. 
                                                                                                                                                                                    ԿԱ­ԹՈ­ՂԻ­ԿՈՍ Ա­ՄԵ­ՆԱՅՆ ՀԱ­ՅՈՑ