ԱԼԹԸՄԷՐՄԷՐԻ Ս. ՅԱԿՈԲ ԵԿԵՂԵՑՒՈՅ ՏԱՐԵԿԱՆ ԱՆՈՒԱՆ ՏՕՆԱԽՄԲՈՒԹԻՒՆԸ

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան շաբաթավերջին Ալթըմէրմէրի Ս. Յակոբ եկեղեցւոյ մէջ նախագահեց տարեկան անուան տօնախմբութեան։ Ս. Պատարագը մատոյց Տ. Ներսէս Քհնյ. Այվազեան։ Ամեն. Ս. Պատրիարք Հայրը տուաւ օրուան պատգամը։ Պոլսահայ հոգեւորականաց դասէն բազմաթիւ դէմքեր ներկայ գտնուեցան տօնակատարութիւններուն։

Կրօնական արարողութիւններէն վերջ, յարակից սրահին մէջ սարքուեցաւ սիրոյ սեղան։