ՊԷՅՕՂԼՈՒԻ Ս. ԵՐՐՈՐԴՈՒԹԻՒՆ ԵԿԵՂԵՑՒՈՅ ՄԷՋ Ս. ՅԱԿՈԲԻ ՏՕՆԱԿԱՏԱՐՈՒԹԻՒՆ

Մինչ շաբաթավերջին Ս. Յակոբ Մծբնայ Հայրապետի յիշատակի տօնը կատարուեցաւ, երէկ, Պէյօղլուի Ս. Երրորդութիւն եկեղեցւոյ մէջ տեղի ունեցաւ իր մասունքներու աջով բարեխօսութեան աղօթք՝ մասնակցութեամբ Լուսաւորիչ դպրաց դաս-երգչախումբի մանկապատենական կազմի անդամներուն։ Արարողութեան նախագահեց եւ քարոզեց Տ. Յարութիւն Վրդ. Տամատեան։ Ներկայ էր նաեւ Տ. Գէորգ Աւ. Քհնյ. Չընարեան։ Ս. Պատարագի աւարտին կատարուեցաւ հոգեհանգստեան կարգ, որով յիշատակուեցան Քասըմփաշայի երբեմնի Ս. Յակոբ եկեղեցւոյ հիմնադիրներն ու հաւատացեալները։ Օրհնութեան կարգի ընթացքին մանկապատենական կազմի տղոց հետ էր նաեւ վարիչ Հրանդ Չիզմէճեան։