Ուրբաթ 4, Ապրիլ 2025
Ս. ՅԱԿՈԲԻ ՏՕՆԱԿԱՏԱՐՈՒԹԻՒՆ ՀԱՅ ԿԱԹՈՂԻԿԷ ՀԱՍԱՐԱԿՈՒԹԵՆԷՆ ՆԵՐՍ
Թաքսիմի Ս. Յովհան Ոսկեբերան հայ կաթողիկէ եկեղեցւոյ մէջ երէկ կատարուեցաւ Ս. Յակոբ Մծբնայ Հայրապետի յիշատակութեան տօնակատարութիւնը։ Կաթողիկէ հայոց արքեպիսկոպոսարանի պատրիարքական կառավարիչ Հ. Վարդան Ծայրագոյն Վարդապետ Գազանճեան նախագահեց արարողութիւններուն, որոնց մասնակցեցաւ նաեւ Տ. Յարութիւն Վրդ. Տամատեան։ Այս վերջինը Թուրքիոյ Հայոց Պատրիարք Ամենապատիւ Տ. Սահակ Ս. Արք. Մաշալեանի անունով յղեց շնորհաւորութիւններ։
Ս. Պատարագի եզրափակիչ փուլին ներկայ հաւատացեալներուն օրհնութիւն բաշխուեցաւ Ս. Յակոբի մասունքով։
Երկուշաբթի, Դեկտեմբեր 16, 2024