ԳՈՐԾԱԿՑՈՒԹԵԱՆ ԾՐԱԳԻՐ

Մայր Ա­թոռ Սուրբ Էջ­միած­նի մէջ վեր­ջին օ­րե­րուն գոր­ծադ­րու­թեան հա­մա­ձայ­նա­գիր մը ստո­րագ­րուե­ցաւ Գէոր­գեան հո­գե­ւոր ճե­մա­րա­նին եւ Ս. Վլա­տի­միր ուղ­ղա­փառ ճե­մա­րա­նին (Ա­մե­րի­կա­յի Միա­ցեալ Նա­հանգ­ներ) մի­ջեւ։ Ա­մե­նայն Հա­յոց Տ.Տ. Գա­րե­գին Բ. Կա­թո­ղի­կո­սին օրհ­նու­թեամբ, ստո­րագր­ման հան­դի­սա­ւոր ա­րա­րո­ղու­թիւ­նը տե­ղի ու­նե­ցաւ Գէոր­գեան հո­գե­ւոր ճե­մա­րա­նի հան­դի­սու­թիւն­նե­րու դահ­լի­ճին մէջ։

Հա­մա­գոր­ծակ­ցու­թեան փաս­տա­թուղ­թը ստո­րագ­րե­ցին Գէոր­գեան հո­գե­ւոր ճե­մա­րա­նի տե­սուչ Տ. Գա­րե­գին Վրդ. Համ­բար­ձու­մեան եւ Նիւ Եոր­քի Ս. Վլա­տի­միր հո­գե­ւոր ճե­մա­րա­նի տե­սուչ Տքթ. Ճոն Քհնյ. Պէր։ Ներ­կայ էր նաեւ Հա­յաս­տա­նեայց Ա­ռա­քե­լա­կան Ե­կե­ղեց­ւոյ Հիւ­սի­սա­յին Ա­մե­րի­կա­յի Ա­րե­ւե­լեան Թե­մի Ս. Ներ­սէս ըն­ծա­յա­րա­նի տե­սուչ Տ. Մար­տի­րոս Ա. Քհնյ. Չէ­վեան։ Հան­դի­սու­թեան ըն­թաց­քին ե­լոյթ­ներ ու­նե­ցան Տ. Գա­րե­գին Վրդ. Համ­բար­ձու­մեան, Տքթ. Ճոն Քհնյ. Պեր եւ Տ. Մար­տի­րոս Ա. Քհնյ. Չէ­վեան։

Աս­մունք­նե­րով եւ Ս. Պա­տա­րա­գէ հա­տուած­նե­րու եր­գե­ցո­ղու­թիւն­նե­րով հան­դէս ե­կան Գէոր­գեան հո­գե­ւոր ճե­մա­րա­նի սա­նե­րը։

Հան­դի­սու­թիւ­նը ամ­փո­փուե­ցաւ Մայր Ա­թոռ Սուրբ Էջ­միած­նի հո­գե­ւոր-կրթա­կան հաս­տա­տու­թիւն­նե­րու վե­րա­տե­սուչ Տ. Գէորգ Եպսկ. Սա­րո­յեա­նի խօս­քով։