ՄԱՅՐ ԱԹՈՌ Ս. ԷՋՄԻԱԾՆԷՆ ՆՈՐ ԳԻՐՔ

Ա­մե­նայն Հա­յոց Տ.Տ. Գա­րե­գին Բ. Կա­թո­ղի­կո­սի օրհ­նու­թեամբ, Մայր Ա­թոռ Սուրբ Էջ­միած­նի Հրա­տա­րակ­չա­կան բա­ժի­նը լոյս ըն­ծա­յեց «Սուրբ Հայ­րե­րու վարքն ու կեն­ցա­ղա­վա­րու­թիւ­նը» ժո­ղո­վա­ծո­յի ա­ռա­ջին հա­տո­րը։ Տաս­նինն գլուխ­նե­րու մէջ ամ­փո­փուած վա­նա­կան-ա­նա­պա­տա­կան բա­րո­յա­խօ­սու­թիւ­նը իւ­րա­յա­տուկ թե­մա­թիկ ու­ղե­ցոյց մըն է բո­լոր ա­նոնց հա­մար, ո­րոնք կը փա­փա­քին ա­նա­պա­տա­կան հայ­րե­րու հո­գե­ւոր փոր­ձա­ռու­թեան ծա­նօ­թա­նալ եւ ա­նոնք ա­ռօ­րեայ կեան­քի մէջ ու­նե­նալ իբ­րեւ լու­սա­բա­նող օ­րի­նակ­ներ։

«Սար­գիս Գաբ­րիէ­լեան» հիմ­նադ­րա­մի մե­կե­նա­սու­թեամբ հրա­տա­րա­կուած է այս գիր­քը, ո­րու թարգ­մա­նուած բա­ժին­նե­րուն հա­մար աշ­խա­տանք տա­րած են Հրա­տա­րակ­չա­կան բաժ­նի տնօ­րէն Տ. Շա­հէ Ծայրա­գոյն Վարդապետ Ա­նա­նեան, Սի­րա­նոյշ Գրի­գո­րեան եւ Վա­ղար­շակ Թան­գա­մեան։ Թարգ­մա­նիչ­նե­րու բուն նպա­տա­կը ե­ղած է ըն­թեր­ցո­ղին հա­սա­նե­լի դարձ­նել գրա­բար թարգ­մա­նու­թեամբ մեր օ­րե­րուն հա­սած այս ժո­ղո­վա­ծո­յի բո­լոր հա­տուած­նե­րը։

Միւս կող­մէ, Ա­մա­նո­րի ըն­դա­ռաջ Հրա­տա­րակ­չու­թեան բա­ժի­նը լոյս ըն­ծա­յեց նաեւ Մայր Ա­թոռ Սուրբ Էջ­միած­նի 2017 թուա­կա­նի պաշ­տօ­նա­կան օ­րա­ցոյ­ցը։