ՊԷՅՕՂԼՈՒԻ Ս. ԵՐՐՈՐԴՈՒԹԻՒՆ ԵԿԵՂԵՑՒՈՅ ՄԷՋ ՀԱՅՐԱՊԵՏԱԿԱՆ ՄԱՂԹԱՆՔ

Երէկ, Պէյօղլուի Ս. Երրորդութիւն եկեղեցւոյ մէջ, Կիրակնօրեայ Ս. Պատարագի ընթացքին նշուեցաւ Տ.Տ. Գարեգին Բ. Ամենայն Հայոց Կաթողիկոսի գահակալութեան 25-ամեակը։ Արարողութեան հանդիսապետեց Տ. Յարութիւն Վրդ. Տամատեան։ Ս. Պատարագը մատոյց Տ. Գէորգ Աւ. Քհնյ. Չընարեան։ Երգեցողութիւնները կատարուեցան Ասողիկ դպրաց դասուն կողմէ։ Հայրապետական մաղթանքի ընթացքին առ Աստուած աղօթք բարձրացուեցաւ Նորին Սրբութեան կենաց արեւշատութեան եւ Մայր Աթոռ Սուրբ Էջմիածնի անսասանութեան համար:

Երկուշաբթի, Նոյեմբեր 4, 2024