ԳԵՂԵՑԻԿ Է ՃՇՄԱՐՏՈՒԹԻՒՆԸ

Նկար­չու­հի Մե­րի Մուն ե­րէկ իր հեր­թա­կան ցու­ցա­հան­դէ­սը բա­ցաւ Իս­թան­պու­լի մէջ։ Ծա­նօթ է, որ ան Ե­րե­ւա­նէն գա­լով քա­ղաքս հաս­տա­տուած է վեր­ջին տա­րի­նե­րուն եւ այս­տեղ կը ծա­ւա­լէ ստեղ­ծա­գոր­ծա­կան բազ­մա­կող­մա­նի եւ ու­շագ­րաւ աշ­խա­տանք։ Մե­րի Մուն ոչ միայն հա­ճե­լի, այլ նաեւ զգա­լի ներ­կա­յու­թիւն մը դար­ձած է թէ՛ ընդ­հան­րա­պէս Իս­թան­պու­լի գե­ղա­րուես­տա­կան շար­ժում­նե­րէն եւ թէ մաս­նա­ւո­րա­պէս մեր հա­մայն­քի կեան­քէն ներս։

Ե­րէկ ե­րե­կո­յեան Մե­րի Մու­նի հեր­թա­կան ան­հա­տա­կան ցու­ցա­հան­դէ­սը բա­ցուե­ցաւ «Tütün Deposu»ի եր­դի­քին տակ, Թոփ­հա­նէ։ Վեր­ջին տա­րի­նե­րուն ըն­թաց­քին ան ար­դէն ու­նի իր գե­ղա­րուես­տի հա­մա­կիր­նե­րու շրջա­նակ մը։ Այս ան­գամ եւս Մե­րի Մուն գե­ղա­րուես­տա­սէր­նե­րուն կը ներ­կա­յա­նայ իս­կա­պէս յատ­կան­շա­կան ստեղ­ծա­գոր­ծու­թիւն­նե­րով։ Ցու­ցա­հան­դէ­սի ե­զա­կի ե­րե­սակ­նե­րէն մին այն է, որ Մե­րի Մու­նի պաս­տառ­նե­րուն առ­թած տպա­ւո­րու­թիւն­նե­րը պայ­մա­նա­ւո­րուած են քա­ղաք­նե­րով։ «Գե­ղե­ցիկ է ճշմար­տու­թիւ­նը» խո­րագ­րին ներ­քեւ ան ներ­կա­յա­ցու­ցած է շարք մը գոր­ծեր, ո­րոնք կը ցո­լաց­նեն Ե­րե­ւա­նը, Թիֆ­լի­զը, Վիեն­նան եւ Իս­թան­պու­լը։ Դրուագ­նե­րը այդ չորս քա­ղաք­նե­րուն վե­րա­բե­րեալ թէ՛ ա­ռար­կա­յա­կան պատ­կեր­ներ կը ներ­կա­յաց­նեն եւ թէ միեւ­նոյն ժա­մա­նակ կը կրեն հե­ղի­նա­կի ե­րե­ւա­կա­յու­թեան հետ­քե­րը՝ միշտ բարձր դիր­քե­րէ դի­տար­կուած տե­սա­րան­նե­րով ու մա­նա­ւանդ տա­նիք­նե­րով։ Ցու­ցա­հան­դէ­սի այ­ցե­լու­նե­րը փոր­ձե­ցին հա­ղորդ դառ­նալ Մե­րի Մու­նի վրձի­նով ներ­կա­յա­ցուած յի­շեալ քա­ղաք­նե­րուն, ո­րոնց ճշմար­տու­թիւ­նը, բուն դի­մա­գի­ծը թէեւ բա­ւա­կան ե­րե­ւե­լի էր, սա­կայն ա­նոնք ա­ւե­լի խոր­քա­յին ջանք մը պէտք է գոր­ծադ­րէին՝ քա­ղաք­նե­րու այդ ճշմար­տու­թեան յա­րա­բե­րա­բար ներ­թա­փան­ցե­լու հա­մար։

Մե­րի Մու­նի ցու­ցա­հան­դէ­սի բաց­ման օ­րը ներ­կա­յա­ցուե­ցան նաեւ ա­նոր կող­մէ ար­տադ­րուած շարք մը մե­տա­ղեայ գոր­ծեր, ո­րոնք եւս իս­կա­պէս մեծ վար­պե­տու­թեան մը պտուղն էին եւ ա­ռար­կայ դար­ձան այ­ցե­լու­նե­րու լուրջ հե­տաքրք­րու­թեան։ Այդ մե­տա­ղեայ ստեղ­ծա­գոր­ծու­թիւն­ներն ալ վե­րո­յի­շեալ քա­ղաք­նե­րէն դրուագ­ներ կամ յատ­կան­շա­կան ան­կիւն­ներ կը խորհր­դան­շէին եւ ա­նոնց շուրջ գե­ղա­րուես­տա­սէր­նե­րուն ար­դի պա­րեր ներ­կա­յա­ցուց Կի­զէմ Պիլ­կէն։

Հարկ է նշել, որ Մե­րի Մու­նի այս ցու­ցա­հան­դէ­սը բաց պի­տի մնայ մին­չեւ Դեկ­տեմ­բե­րի 6-ը։ Մինչ այդ, յա­ջորդ շաբ­թուան սկիզ­բին «G-art»ի եր­դի­քին տակ պի­տի բա­ցուի նաեւ իր մէկ նոր ցու­ցա­հան­դէ­սը, որն ալ պի­տի շա­րու­նա­կուի մին­չեւ Դեկ­տեմ­բե­րի 31-ը։ Կը նա­խա­տե­սուի, որ գե­ղա­րուես­տա­սէր­ներ ցու-ցա­բե­րեն հե­տաքրք­րու­թիւն։