ԳՈՒՄԳԱԲՈՒԻ ՄԷՋ ԱՄԵՐԻԿԱՑԻ ՀԻՒՐԵՐ

Պատ­րիար­քա­կան Ընդ­հա­նուր Փո­խա­նորդ Տ. Ա­րամ Արք. Ա­թէ­շեան վեր­ջերս հիւ­րըն­կա­լեց Իս­թան­պու­լի մօտ Ա­մե­րի­կա­յի Միա­ցեալ Նա­հանգ­նե­րու Ա­ւագ հիւ­պա­տոս Չարլզ Հան­թը­րը եւ Ան­գա­րա­յի մօտ ԱՄՆ-ի դես­պա­նու­թեան քա­ղա­քա­կան գոր­ծե­րու գծով խորհր­դա­կան Ճաս­թին Ֆրիտ­մը­նը։ Պատ­րիար­քա­րա­նի աղ­բիւր­նե­րը տե­ղե­կա­ցու­ցին, որ Ֆրիտ­մըն փա­փա­քած էր քա­ղա­քա­վա­րա­կան այ­ցե­լու­թիւն մը տալ Գում­գա­բու եւ ու­նե­նալ կար­ծի­քի փո­խա­նա­կում­ներ։

Նո­րին Սրբազ­նու­թիւ­նը հիւ­րե­րը ջեր­մօ­րէն ող­ջու­նեց թրքա­հա­յոց հո­գե­ւոր կեդ­րո­նի յար­կէն ներս եւ տե­ղե­կու­թիւն­ներ փո­խան­ցեց Պատ­րիար­քա­կան Ա­թո­ռի գոր­ծու­նէու­թեան, հա­մայն­քա­յին կեան­քի ըն­թաց­քին, հաս­տա­տու­թիւն­նե­րու ցան­ցին եւ այժ­մու ընդ­հա­նուր կա­ցու­թեան շուրջ։