ԳԱՏԸԳԻՒՂԻ ԱՐԱՄԵԱՆ-ՈՒՆՃԵԱՆ ՎԱՐԺԱՐԱՆԻՆ ՄԷՋ ՀԱՅԵՐԷՆԻ ՓԱՌԱՏՕՆ

Գատըգիւղի Արամեան-Ունճեան վարժարանին մէջ 2021-2022 ուսման շրջանի եզրափակիչ փուլին տեղի ունեցաւ հայերէնի փառատօն մը, որ այլեւս դարձած է աւանդական։ Դպրոցի բոլոր դասարանները ընդգրկուած էին այս փառատօնի ծրագրին, որ գործադրուեցաւ ամբողջ օրուան մը տեւողութեան։ Տղաքը հանդէս եկան զանազան ելոյթներով, մինչ եզրափակիչ փուլին շնորհաւորութեան ջերմ խօսքեր արտասանուեցան տնօրէնուհի Թալին Պէրպէրօղլուի կողմէ։