ԳԱՏԸԳԻՒՂԻ ԱՐԱՄԵԱՆ-ՈՒՆՃԵԱՆ ՎԱՐԺԱՐԱՆԷՆ ԵՐԿՈՒ ՈՒՍՈՒՑՉՈՒՀԻ ՎԵՐԱՊԱՏՐԱՍՏՄԱՆ ԴԱՍԸՆԹԱՑՔԻ ԿԸ ՄԱՍՆԱԿՑԻ ԵՐԵՒԱՆԻ ՄԷՋ

Հա­յաս­տա­նի Կրթու­թեան ու գի­տու­թեան նա­խա­րա­րու­թեան նա­խա­ձեռ­նու­թեամբ Ե­րե­ւա­նի մէջ այս տա­րի եւս ամ­րան շրջա­նին վե­րա­պատ­րաստ­ման դա­սըն­թացք­ներ կազ­մա­կեր­պուած են սփիւռ­քա­հայ կրթա­կան մշակ­նե­րու հա­մար։ Կը տե­ղե­կա­նանք, որ այս տա­րի սոյն դա­սըն­թաց­քին մաս­նակ­ցու­թիւն կը բե­րեն նաեւ Գա­տը­գիւ­ղի Ա­րա­մեան-Ուն­ճեան վար­ժա­րա­նէն եր­կու ու­սուց­չու­հի­ներ՝ Ան­նա Սա­րը Սեչ­քին եւ Լե­տա Ֆի­տան։ Սփիւռ­քի զա­նա­զան շրջան­նե­րէն Հա­յաս­տան մեկ­նած կրթա­կան մշակ­նե­րը այս առ­թիւ կը ծա­ւա­լեն ար­դիւ­նա­ւէտ աշ­խա­տանք։ Մաս­նա­գի­տա­կան գոր­ծու­նէու­թեան ա­ռըն­թեր ա­նոնք նաեւ հնա­րա­ւո­րու­թիւն կ՚ու­նե­նան այ­ցե­լե­լու Ե­րե­ւա­նի թան­գա­րան­նե­րը եւ պատ­մամ­շա­կու­թա­յին տե­սար­ժան վայ­րե­րը։

Ան­նա Սա­րը Սեչ­քին եւ Լե­տա Ֆի­տան ան­թե­րի այս կազ­մա­կեր­պու­թեան շրջագծով Ե­րե­ւա­նի ի­րենց օ­րե­րը կ՚ան­ցը­նեն բարձր տրա­մադ­րու­թեամբ՝ կա­տա­րե­լա­գոր­ծե­լով նաեւ ի­րենց գի­տե­լիք­նե­րը։ Ա­նոնք կ՚ար­ժա­նա­նան թէ՛ կազ­մա­կեր­պիչ­նե­րու հիւ­րա­սի­րու­թեան եւ թէ ի­րենց դա­սըն­թաց­քի մաս­նա­կից պաշ­տօ­նա­կից­նե­րու ջերմ վե­րա­բեր­մուն­քին։