ՔԷՕՍԹԵՆՃԷԻ ՄԷՋ ՀԱՄԱԽՄԲՈՒՄ

Կալաթասարայ մարզակումբի վոլէյպոլի կանանց կազմը մրցումի մը համար այցելեց Ռումանիոյ Քէօսթենճէ քաղաքը։ Մարզական պատուիրակութեան մէջ էր նաեւ մեր համայնքէն Տիգրան Կիւլմէզկիլ, որ ակումբի վարչայիններէն է եւ վոլէյպոլի հովանաւորը։ Տիգրան Կիւլմէզկիլի դուստրը՝ Մելիսա Պաղն ալ մասնակցած էր կազմին։ Կալաթասարայցիները առիթէն օգտուելով քաղաքավարական այցելութիւն մը տուին Թուրքիոյ Քէօսթենճէի հիւպատոսարանը։ Ջերմ հանդիպման ընթացքին Տիգրան Կիւլմէզկիլ մարզաշապիկ մը նուիրեց աւագ հիւպատոս Էմրէ Եուրտաքուլին։