ՈՉ ԵՒՍ Է ՀԵՆՐԻ ՔԻՍԻՆՃԸՐ

Միջազգային լրահոսին մէջ երէկ լայն արձագանգ գտաւ Հենրի Քիսինճըրի մահը՝ 100 տարեկան հասակին։ Ան Ամերիկայի Միացեալ Նահանգներու նախկին պետական քարտուղարներէն մին էր, 1973 թուականին իրեն շնորհուած էր Նոպելի խաղաղութեան մրցանակը։

Ամերիկեան դիւանագիտութեան տիրական անուններէն Հենրի Քիսինճըր 1923 թուականին ծնած էր Գերմանիոյ մէջ։ Հրեայ արմատներով իր ընտանիքը խոյս տուած էր նացիներէն եւ հաստատուած ԱՄՆ։ Հենրի Քիսինճըր ԱՄՆ-ի երկու տարբեր նախագահներու պաշտօնավարութեան ժամանակ կառավարութեան մաս կազմած էր, որպէս պետական քարտուղար։