ԸՍՏ ԱՐԱՄ Ա. ԿԱԹՈՂԻԿՈՍԻ, ԱՆԹԻԼԻԱՍ ՀԱՄԱԿՈՂՄԱՆԻ ՔՆՆԱՐԿԱԾ Է ՍԻՍԻ ԿԱԹՈՂԻԿՈՍԱՐԱՆԻ ՎԵՐԱԴԱՐՁԻ ՀԱՐՑԸ

Մե­ծի Տանն Կի­լի­կիոյ Տ.Տ. Ա­րամ Ա. Կա­թո­ղի­կո­սը, որ այս օ­րե­րուն կ՚այ­ցե­լէ Յու­նաս­տան, հար­ցազ­րոյ­ցի մը մէջ անդ­րա­դար­ձաւ Սի­սի եր­բեմ­նի կա­թո­ղի­կո­սա­րա­նի սե­փա­կա­նու­թեան ի­րա­ւուն­քի վե­րա­ձեռք­բեր­ման նպա­տա­կով Ան­թի­լիա­սի կող­մէ բա­ցուած դա­տին՝ Թուր­քիոյ Սահ­մա­նադ­րա­կան ա­տեա­նին մօտ։ «Ար­մէնփ­րէս»ի հա­ղոր­դում­նե­րով, Կի­լի­կեան Ա­թո­ռի գա­հա­կա­լը յայ­տա­րա­րեց, թէ ի­րենք հա­մա­կող­մա­նի քննար­կած են այս հար­ցը։ «pontos-news.gr»ին տուած հար­ցազ­րոյ­ցին մէջ Ա­րամ Ա. Կա­թո­ղի­կոս դի­տել տուած է, թէ սոյն ո­րո­շու­մը չէ առ­նուած հապշտապ։ Նոյն կա­պակ­ցու­թեամբ ան ը­սած է հե­տե­ւեա­լը. «Այս հար­ցը մենք քննար­կած ենք նոյ­նիսկ թուրք ի­րա­ւա­բան­նե­րու, մի­ջազ­գա­յին ի­րա­ւուն­քի, մար­դու ի­րա­ւանց մաս­նա­գէտ­նե­րու հետ։ Ու­սում­նա­սի­րած ենք Լո­զա­նի հա­մա­ձայ­նա­գի­րը։ Այ­սինքն՝ մենք խնդի­րը ու­սում­նա­սի­րած ենք հա­մա­կող­մա­նի»։

Ա­րամ Ա. Կա­թո­ղի­կոս նոյն հար­ցազ­րոյ­ցին մէջ ար­տա­յայ­տած է այն տե­սա­կէ­տը, թէ ան­կախ Թուր­քիոյ ըն­դու­նե­լու կամ չըն­դու­նե­լու հան­գա­ման­քէն, պա­տա­հած է ցե­ղաս­պա­նու­թիւն մը։ Ըստ ի­րեն, այս բա­նը ոչ ոք յօ­րի­նած է, իսկ հե­տե­ւանք­նե­րը շատ լուրջ են։ «Մեր ժո­ղո­վուր­դի ամ­բողջ ստա­ցուած­քը, հա­մայն­քա­յին շէն­քե­րը, ե­կե­ղե­ցի­նե­րը ա­ւե­րուած են հիմ­նո­վին կամ մաս­նա­կի եւ ա­նոնց մե­ծա­մաս­նու­թիւ­նը պե­տա­կա­նա­ցուած է Թուր­քիոյ ղե­կա­վա­րու­թեան կող­մէ։ Հա­րիւր տա­րի անց, իբ­րեւ կա­թո­ղի­կոս, կը յայ­տա­րա­րեմ, որ այդ կա­ռոյց­նե­րը կը պատ­կա­նին հայ­կա­կան ե­կե­ղեց­ւոյ, հայ ժո­ղո­վուր­դին», ը­սաւ Ա­րամ Ա. եւ ա­ւել­ցուց, թէ ի­րենք կը սկսին Սի­սի կա­թո­ղի­կո­սա­րա­նի վե­րա­դար­ձէն, ո­րով­հե­տեւ այս հար­ցը ու­նի քա­ղա­քա­կան, բա­րո­յա­կան եւ հո­գե­ւոր նշա­նա­կու­թիւն։

Ըստ Ա­րամ Ա. Կա­թո­ղի­կո­սի, հայ ժո­ղո­վուր­դը կը պայ­քա­րի իր մօ­տեց­ման մի­ջազ­գա­յին ճա­նաչ­ման հա­մար եւ ա­ռա­ջին ան­գամ ըլ­լա­լով ընտ­րած է նոր ռազ­մա­վա­րու­թիւն մը՝ հար­ցը նաեւ դա­տա­կան հար­թու­թեան վրայ յա­ռաջ քշե­լով։