ՎԱՂԸ ՆՈՐ ՀԱՆԴԻՊՈՒՄ

Ան­գա­րա­յի մէջ ե­րէկ տե­ղի ու­նե­ցաւ յատ­կան­շա­կան ա­րա­րո­ղու­թիւն մը։ Այս առ­թիւ պե­տա­կան ա­ւա­գա­նին հա­մախմ­բուե­ցաւ Նա­խա­գա­հա­կան պա­լա­տի եր­դի­քին տակ, ուր մե­ծա­րան­քի հան­դի­սու­թիւն մը տե­ղի ու­նե­ցաւ ի պա­տիւ Ընդ­հա­նուր սպա­յա­կոյ­տի նա­խա­գահ զօ­րա­վար Նեճ­տէտ Էօ­զէ­լի, որ յա­ռա­ջի­կայ Օ­գոս­տո­սի 30-ին պի­տի կո­չուի հանգս­տեան։ Հան­դի­սա­ւոր պայ­ման­նե­րու ներ­քեւ, Հան­րա­պե­տու­թեան նա­խա­գահ Րէ­ճէպ Թայ­յիպ Էր­տո­ղան Նեճ­տէտ Էօ­զէ­լը պար­գե­ւատ­րեց պե­տա­կան պա­տուոյ մե­տայ­լով։

Էր­տո­ղան թէ՛ այս հան­դի­սու­թեան ըն­թաց­քին ու­նե­ցաւ ե­լոյթ մը եւ թէ ա­նոր յա­ջոր­դած ըն­դու­նե­լու­թեան ժա­մա­նակ զրու­ցեց զան­գուա­ծա­յին լրա­տուու­թեան մի­ջոց­նե­րու ներ­կա­յա­ցու­ցիչ­նե­րուն հետ։ Եր­կու շար­ժա­ռիթ­նե­րով ալ ան անդ­րա­դար­ձաւ երկ­րի հրա­տապ օ­րա­կար­գին վե­րա­բե­րեալ նիւ­թե­րու։ «Մենք լաւ գի­տենք ա­հա­բեկ­չու­թեան նպա­տա­կը, թի­րախ­նե­րը, ստեղ­ծել ձգտած վա­խու մթնո­լոր­տը։ Մենք գի­տենք այն ծու­ղա­կը, ո­րուն մէջ ներ­քա­շել կ՚ու­զեն Թուր­քիան եւ մենք եր­բեք պի­տի չիյ­նանք այդ ծու­ղա­կին մէջ։ Տե­ղի պի­տի չտանք բո­լոր ա­նոնց, ո­րոնք կ՚ու­զեն մեր եր­կի­րը տե­ղա­փո­խել Սու­րիոյ կրակն ու Ի­րա­քի ան­կա­յու­նու­թիւ­նը», ը­սաւ Էր­տո­ղան եւ ա­ւել­ցուց, թէ ա­հա­բեկ­չու­թեան դի­մաց եր­կի­րը կը պա­հէ իր վճռա­կան կե­ցուած­քը։ Նա­խա­գա­հը շեշ­տեց նաեւ, որ ո­րե­ւէ տար­բե­րու­թիւն գո­յու­թիւն չու­նի ա­հա­բեկ­չա­կան կազ­մա­կեր­պու­թիւն­նե­րուն մի­ջեւ։ Ան հա­մո­զուած է, թէ ա­նոնք, ո­րոնք ա­հա­բեկ­չա­կան կազ­մա­կեր­պու­թեան չեն կրնար ը­սել, որ բռնու­թիւ­նը լու­ծում մը չէ՝ ներ­կա­յիս դէմ կ՚ար­տա­յայ­տուին գոր­ծո­ղու­թիւն­նե­րուն։ Էր­տո­ղան յի­շե­ցուց, որ վեր­ջին տաս­ներ­կու տա­րուան ըն­թաց­քին ժո­ղովր­դա­վա­րու­թեան ու զար­գաց­ման ճա­նա­պար­հին Թուր­քիան հա­սած է մրցա­նիշ­նե­րու։ Եր­կի­րը լուռ յե­ղա­փո­խու­թիւն մը ապ­րած է ժո­ղովր­դա­վա­րու­թեան, մար­դու ի­րա­ւանց, քա­ղա­քա­յին քա­ղա­քա­կա­նու­թեան ամ­րապնդ­ման, ա­զա­տու­թիւն­նե­րու ընդ­լայն­ման ա­ռու­մով։ Ան շեշ­տեց նաեւ, թէ ո­մանք փոր­ձած են չա­րա­շա­հել լուծ­ման գոր­ծըն­թա­ցը, իսկ ի­րենք եր­բեք տե­ղի պի­տի չտան այդ չա­րա­շա­հում­նե­րուն ու մա­նա­ւանդ ա­նոր պատ­րուա­կով ա­հա­բեկ­չա­կան կազ­մա­կեր­պու­թեան օ­րի­նա­կա­նաց­ման։

Էր­տո­ղան ե­րէ­կուան յայ­տա­րա­րու­թիւն­նե­րուն ըն­թաց­քին անդ­րա­դար­ձաւ նաեւ նոր կա­ռա­վա­րու­թեան ձե­ւա­ւոր­ման գոր­ծըն­թա­ցին։ Ըստ ի­րեն, եր­կի­րը բա­ցար­ձա­կա­պէս պէտք չէ մնայ ա­ռանց կա­ռա­վա­րու­թեան։ Հան­րա­պե­տու­թեան նա­խա­գա­հը ընդգ­ծեց, թէ ինք լաւ գի­տէ իր գոր­ծու­նէու­թեան սահ­մա­նադ­րու­թեամբ նա­խա­տե­սուած սահ­ման­նե­րը եւ չի կրնար ընդ­լայ­նել նոր կա­ռա­վա­րու­թեան ձե­ւա­ւոր­ման հա­մար նա­խա­տե­սուած քառասունհինգ օ­րուան ժամ­կէ­տը։ Ըստ ի­րեն, ինք կա­ռա­վա­րու­թիւ­նը կազ­մե­լու պաշ­տօ­նը յանձ­նած էր Վար­չա­պետ Ահ­մէտ Տա­վու­տօղ­լուին, որ կրնայ շփում մը ու­նե­նալ նաեւ ՄՀՓ­-ի հետ։ Էր­տո­ղան կը նա­խա­տե­սէ նաեւ նոր կա­ռա­վա­րու­թեան ձե­ւա­ւոր­ման գոր­ծըն­թա­ցին շուրջ խորհր­դակ­ցու­թիւն մըն ալ ու­նե­նալ Ազ­գա­յին մեծ ժո­ղո­վի նա­խա­գահ Իս­մէթ Եըլ­մա­զի հետ։

Միւս կող­մէ, Վար­չա­պետ Ահ­մէտ Տա­վու­տօղ­լուն ալ նոյն ըն­դու­նե­լու­թեան ըն­թաց­քին զրու­ցեց լրագ­րող­նե­րուն հետ։ Ան ը­սաւ, թէ բա­ցար­ձակ կար­ծիք­ներ պէտք չէ ար­տա­յայ­տել՝ նոր նա­խա­րա­րաց խոր­հուր­դը ձե­ւա­ւո­րե­լու ուղ­ղեալ ջան­քե­րու մթնո­լոր­տին մէջ։ Ե­րէկ ար­դէն պաշ­տօ­նա­պէս հա­ղոր­դուե­ցաւ, թէ Ահմէտ Տա­վու­տօղ­լու վա­ղը կէ­սօ­րուան ժա­մե­րուն ան­գամ մը եւս պի­տի մէկ­տե­ղուի ՃՀՓ­-ի կու­սակ­ցա­պետ Քե­մալ Քը­լըչ­տա­րօղ­լուի հետ։ Ահմէտ Տա­վու­տօղ­լու ե­րէկ յայտ­նեց, թէ պէտք չէ պատ­մա­կան յայ­տա­րա­րու­թեան ակն­կա­լու­թեան մէջ ըլ­լալ վա­ղուան հա­մար։