ՊԱՐՏՈՒԹԻՒՆ ԵՒ ՀՐԱԺԱՐԱԿԱՆ

Հայաստանի ֆութպոլի ազգային հաւաքականը երէկ Երեւանի մէջ հիւրընկալեց Հիւսիսային Մակեդոնիան, որու դիմաց 2-0 արդիւնքով պարտութիւն կրեց։ ՈՒԷՖԱ-ի Եւրոպայի ազգերու լիկի շրջանակներէն ներս տեղի ունեցաւ այս հանդիպումը։ ՈՒԷՖԱ-ի այս մրցաշարքի ծիրէն ներս Հայաստանի հաւաքականը արտագնայ խաղին ալ նոյն արդիւնքով պարտութիւն կրած էր Հիւսիսային Մակեդոնիայի դիմաց։ Երէկ, Երեւանի «Վազգէն Սարգսեան» հանրապետական մարզադաշտին վրայ հայկական ընտրանին դարձեալ չկրցաւ արդարացնել իր վրայ դրուած յոյսերը։

Այս պարտութեամբ պայմանաւորուած մթնոլորտին մէջ՝ Հայաստանի ֆութպոլի ազգային հաւաքականի աւագ մարզիչ Ալեքսանտր Փեթրաքով հրաժարեցաւ իր պաշտօնէն։

Երկուշաբթի, Հոկտեմբեր 14, 2024