ԱՐԱ ՄԱԼԻՔԵԱՆ ՀԱՄԵՐԳՈՎ ՄԸ ՀԱՆԴԷՍ ԵԿԱՒ ԵՐԵՒԱՆԻ ՄԷՋ

Աշխարհահռչակ ջութակահար Արա Մալիքեան շաբաթավերջին համերգով մը հանդէս եկաւ Երեւանի մէջ։ «Կարէն Տեմիրճեան» մարզահամերգային համալիրի երդիքին տակ տեղի ունեցաւ ձեռնարկը, որ համախմբեց հոծ թիւով երաժշտասէրներ, որոնք ջերմօրէն ողջունեցին Արա Մալիքեանը։ Հարկ է նշել, որ Արա Մալիքեան առաջին անգամ համերգով մը հանդէս եկաւ Հայաստանի մէջ։ Ան ամբողջ աշխարհի մէջ յառաջատար բեմեր նուաճած հռչակաւոր վիրթիւէօզ մըն է, սակայն Հայաստանի իր համերգը, անշուշտ, այս ամբողջին մէջ առանձնայատուկ ուշադրութեան առարկայ դարձաւ։

Երեւանի համերգին ժամանակ Արա Մալիքեան մեկնաբանեց նաեւ Կոմիտասի յայտնի գործերէն «Կռունկ»ը՝ սեփական տարբերակով։ Համերգի մասնակիցները ջերմ ծափահարութիւններով ողջունեցին աշխարհահռչակ ջութակահարը։