ՏԻԳՐԱՆ ԿԻՒԼՄԷԶԿԻԼ ԿԱԼԱԹԱՍԱՐԱՅՑԻՆԵՐՈՒ ՀԵՏ ՆԵՐԿԱՅԱՑԱՒ ՀԱՆՐԱՊԵՏՈՒԹԵԱՆ ՆԱԽԱԳԱՀԻՆ

Հանրապետութեան նախագահ Ռեճեփ Թայյիպ Էրտողան երէկ հիւրընկալեց Կալաթասարայ մարզակումբի ներկայացուցիչները։ Նկատի ունենալով, որ Կալաթասարայի ֆութպոլի կազմը 2022-2023 եղանակի ախոյեանը դարձած է՝ ակումբի վարչութեան նախագահ Տուրսուն Էօզպեքի գլխաւորութեամբ բազմանդամ պատուիրակութիւն մը ներկայացաւ Հանրապետութեան նախագահին։ Իսթանպուլի մէջ, Վահտեթթին ապարանքի երդիքին տակ տեղի ունեցաւ տեսակցութիւնը, որու ընթացքին կալաթասարայցիներ Էրտողանին նուիրեցին մարզաշապիկ մը։ Անոնք իրենց հետ տարած էին նաեւ ախոյենութեան բաժակը։ Հանդիպման ներկայ էր նաեւ Մարմնամարզի եւ երիտասարդութեան նախարար Օսման Աշքըն Պաք։

Էրտողանին ներկայացած խումբին մէջ էր նաեւ մեր ծանօթ ազգայիններէն Տիգրան Կիւլմէզկիլ, որ մաս կը կազմէ Կալաթասարայ մարզակումբի վարչութեան։

Շաբաթ, Յունիս 17, 2023