ԱՐԴԻՒՆՔՆԵՐՈՒ ՍՊԱՍՈՒՄ

Հա­յաս­տա­նի Փո­խադ­րու­թեան ու կա­պի նա­խա­րար Գա­գիկ Բեգ­լա­րեան յայ­տա­րա­րեց, որ Չի­նաս­տան ա­ռա­ջարկ­ներ ներ­կա­յա­ցու­ցած է Հա­յաս­տան-Ի­րան եր­կա­թու­ղիի կա­ռուց­ման ծրագ­րին շուրջ։ Ե­րե­ւա­նի մէջ, Հա­յաս­տա­նի կա­ռա­վա­րու­թեան վեր­ջին նիս­տի ա­ւար­տին, լրագ­րող­նե­րու հետ զրու­ցե­լու ըն­թաց­քին Գագիկ Բեգ­լա­րեան անդ­րա­դար­ձաւ Հա­յաս­տան-Ի­րան եր­կա­թու­ղիի կա­ռուց­ման ծրագ­րին։ Բեգլարեան ը­սաւ, թէ այս հար­ցը ի­րենց ա­մե­նօ­րեայ աշ­խա­տան­քա­յին ծի­րին մաս կը կազ­մէ եւ նոյն շրջագ­ծով յա­ռա­ջի­կայ ամ­սա­վեր­ջին այ­ցե­լու­թիւն մը պի­տի կա­տա­րէ դէ­պի Չի­նաս­տան։

«Օ­րա­կար­գի վրայ պի­տի ըլ­լայ նաեւ Հա­յաս­տան-Ի­րան եր­կա­թու­ղիի կա­ռուց­ման հար­ցը։ Մենք ա­ռա­ջարկ­ներ ու­նինք բազ­մա­թիւ կազ­մա­կեր­պու­թիւն­նե­րէ, սա­կայն ա­ռանձ­նա­ցու­ցած ենք ա­նոնց շար­քին եր­կու­քը։ Չի­նա­կան կող­մէն ա­ռա­ջարկ­ներ ստա­ցած ենք եր­կա­թու­ղիին վե­րա­բե­րեալ, ինչ­պէս նաեւ տե­ղե­կա­ցու­ցած ենք մեր ա­ռա­ջարկ­նե­րը», ը­սաւ Բեգ­լա­րեան, որ չփա­փա­քե­ցաւ այս հանգ­րուա­նին ման­րա­մաս­նու­թիւն­նե­րու մէջ խո­րա­նալ։ Ըստ ի­րեն, հա­մա­ձայ­նու­թեան հաս­նե­լէ վերջ է, որ ման­րա­մաս­նու­թիւն­նե­րը պի­տի հրա­պա­րա­կուին։ Յա­մե­նայն­դէպս, չի­նա­կան կող­մը շա­հագրգ­ռուա­ծու­թիւն ու­նի եւ նա­խա­րա­րին հա­մոզ­մամբ, կա­տա­րուած են լաւ ա­ռա­ջարկ­ներ։ Վերջ­նա­կան ար­դիւնք­նե­րը պի­տի յստա­կե­նան յետ քննար­կում­նե­րու։

Թեհ­րա­նի մի­ջու­կա­յին ծրագ­րին շուրջ մի­ջազ­գա­յին գետ­նի վրայ ա­պա­հո­վուած հա­մա­ձայ­նու­թեամբ ստեղ­ծուած բա­րեն­պաստ մթնո­լոր­տին մէջ ներ­կա­յիս թափ կ՚առ­նեն նաեւ Հա­յաս­տա­նի եւ Ի­րա­նի մի­ջեւ մշա­կուած հսկա­յա­կան ռազ­մա­վա­րա­կան ծրագ­րե­րու քննար­կում­նե­րը։ Ար­դա­րեւ, ա­նոնց ի­րա­կա­նաց­ման շօ­շա­փե­լի հե­ռան­կա­րը ու­րուագ­ծուած է եւ եր­կու հա­րե­ւան եր­կիր­նե­րը կը ձգտին նոր մա­կար­դա­կի մը հասց­նել ի­րենց տնտե­սա­կան յա­րա­բե­րու­թիւն­նե­րը։ Հա­յաս­տա­նի կա­ռա­վա­րու­թեան աղ­բիւր­նե­րը կը մատ­նան­շեն, որ Նա­խա­րա­րաց խոր­հուր­դի վեր­ջին ժո­ղո­վին ըն­թաց­քին Վար­չա­պետ Յո­վիկ Աբ­րա­հա­մեանն ալ մաս­նա­ւոր անդ­րա­դարձ կա­տա­րած է այս նիւ­թին։

Մի­ջազ­գա­յին հա­մա­ձայ­նու­թեան հե­տե­ւե­ցաւ Հա­յաս­տան-Ի­րան ե­լեկտ­րա­հա­ղորդ­ման բարձ­րա­վոլթ եր­րորդ գծի շի­նա­րա­րու­թեան ծրագ­րի աշ­խա­տանք­նե­րու վերսկս­ման վե­րա­բե­րեալ փաս­տա­թուղ­թին ստո­րագ­րու­մը։ Սա կը նշա­նա­կէ, որ շի­նա­րա­րա­կան աշ­խա­տանք­նե­րը կը թե­ւա­կո­խեն աշ­խոյժ փու­լ մը։ Յստակ է, որ Ի­րա­նի հետ հա­մա­գոր­ծակ­ցու­թիւ­նը, յատ­կա­պէս ու­ժա­նիւ­թի բնա­գա­ւա­ռէն ներս, ա­ռանց­քա­յին նշա­նա­կու­թիւն ու­նի եր­կու եր­կիր­նե­րուն հա­մար։ Այս ուղ­ղու­թեամբ աշ­խա­տանք­նե­րուն աշ­խու­ժա­ցու­մը պի­տի նպաս­տէ նաեւ եր­կու եր­կիր­նե­րու մի­ջեւ ապ­րան­քաշր­ջա­նա­ռու­թեան ծա­ւալ­նե­րու զգա­լի մե­ծաց­ման։

Մի­ջազ­գա­յին ու տա­րած­քաշր­ջա­նա­յին ներ­կայ նոր ի­րադ­րու­թեան պայ­ման­նե­րուն ներ­քեւ, Հա­յաս­տան ա­մե­նա­բարձր մա­կար­դա­կի վրայ ար­ձա­նագ­րած է, որ Ի­րան ի­րեն հա­մար կա­րե­ւոր ու խոստմ­նա­լից հա­րե­ւան մըն է։ Մեկ­նա­բան­նե­րու հա­մոզ­մամբ, սա փո­խա­դարձ հան­գա­մանք մըն է միան­շա­նա­կօ­րէն, ո­րով­հե­տեւ Ի­րա­նի տե­սա­կէ­տէ բարդ օ­րե­րուն Հա­յաս­տան որ­դեգ­րած էր հա­ւա­սա­րակշ­ռուած դիր­քո­րո­շում մը՝ վնաս չհասց­նե­լով իր հա­րե­ւա­նի շա­հե­րուն։