ՊԱՐԶԱՆԻ ՊԱՔՈՒ ԱՅՑԵԼԵՑ

Ատրպէյճանի նախագահ Իլհամ Ալիեւ երէկ Պաքուի մէջ հիւրընկալեց Հիւսիսային Իրաքի Քրտական Ինքնավարութեան նախագահ Նեչիրվան Պարզանին։ Իրաքեան Քիւրտիստանի եւ Ատրպէյճանի ղեկավարները նախ ունեցան առանձնազրոյց մը, որմէ վերջ գլխաւորեցին պատուիրակութիւններու բանակցութիւնները։

Կը հաղորդուի, որ Ալիեւ եւ Պարզանի անդրադարձան առեւտրատնտեսական կապերու ընդլայնման, ներդրումներու եւ ուժանիւթի ոլորտներէն ներս համագործակցութեան, զբօսաշրջութեան հնարաւորութիւններու բարձրացման եւ ուղիղ թռիչքներու կազմակերպման կարելիութեան վերաբերեալ զանազան հարցեր։