ՆԻՒ ԵՈՐՔԻ ՄԷՋ ՀԱՆԴԻՊՈՒՄ

Հանրապետութեան նախագահ Ռեճեփ Թայյիպ Էրտողան երէկ Նիւ Եորքի մէջ հանդիպում մը ունեցաւ ՆԱԹՕ-ի ընդհանուր քարտուղար Եէնս Սթոլթենպերկի հետ։ ՄԱԿ-ի ընդհանուր ժողովի նոր նստաշրջանի բացման փուլին մասնակցելու համար Նիւ Եորք մեկնած է նախագահ Էրտողան, որ կ՚ունենայ շարք մը երկկողմանի հանդիպումներ։

Էրտողան եւ Սթոլթենպերկ Նիւ Եորքի մէջ զրուցելու ժամանակ արժեւորեցին տարածաշրջանային եւ համաշխարհային հրատապ օրակարգի հարցերը։ Էրտողան նշեց, որ ինչպէս միշտ, Թուրքիա պիտի շարունակէ ՆԱԹՕ-ի առաքելութիւնները ամենաաշխոյժ ձեւով խրախուսելու։