ՀԱՔԱՆ ՖԻՏԱՆ ԵՐԷԿ ՏԵՍԱԿՑԵՑԱՒ ՍԵՐԿԷՅ ՇՈՅԿՈՒԻ ՀԵՏ

Արտաքին գործոց նախարար Հաքան Ֆիտան աւարտեց դէպի Մոսկուա աշխատանքային այցելութիւնը։ Երէկ, ան տեսակցեցաւ Ռուսաստանի պաշտպանութեան նախարար Սերկէյ Շոյկուի հետ, իր ռուս պաշտօնակցին՝ Սերկէյ Լաւրովի հետ վարած բանակցութիւններէն վերջ։ Ֆիտան-Շոյկու զրոյցի ընթացքին առաջնահերթօրէն շօշափուեցան Սուրիոյ իրադարձութիւնները։

Այս երկուշաբթի Սոչիի մէջ նախատեսուած է Հանրապետութեան նախագահ Ռեճեփ Թայյիպ Էրտողանի եւ Ռուսաստանի նախագահ Վլատիմիր Փութինի հանդիպումը։