ԱՐՑԱԽԻ ԺԱՄԱՆԱԿԱԳՐՈՒԹԻՒՆ

Պէյրութի Հայկազեան համալսարանի կազմակերպութեամբ տեղի ունեցաւ «Երկրի մը պատմութիւնը. Արցախի ժամանակագրութիւն» խորագրեալ ցուցահանդէսը։ Համալսարանի Ժառանգութեան ակումբին կողմէ կազմակերպուած էր այս ձեռնարկը, որով հաստատութեան «Մաթոսեան» գեղարուեստասրահի երդիքին տակ ստեղծուեցաւ պատմութեան թանգարանի մը մթնոլորտը։

Բացման հաւաքոյթին ներկայ էր նաեւ Հայկազեան համալսարանի նախագահ վերապատուելի տքթ. Փոլ Հայտոսթեան։ Ձեռնարկի ընթացքին հայկական ժողովրդական երաժշտութենէն նմոյշներ ալ մեկնաբանուեցան զանազան խումբերու կողմէ։