ՀԱՅԱՍՏԱՆԻ ՖՈՒԹՊՈԼԻ ԴԱՇՆԱԿՑՈՒԹԵԱՆ ՆԱԽԱԳԱՀԸ ՆԻՔՈԼԱ ԱՆԵԼՔԱՅԻ ՀԵՏ ՔՆՆԱՐԿԵՑ ԱՐԴԻԱԿԱՆ ԱԿԱԴԵՄԻԱ ՄԸ ԿԱՌՈՒՑԵԼՈՒ ՀԵՌԱՆԿԱՐՆԵՐԸ

Ֆրանսական ֆութպոլի աշխարհահռչակ աստղերէն, Փարի-Սեն-Ժերմեն (PSG) ակումբի դեսպան Նիքոլա Անելքայի Երեւան կատարած այցելութեան արձագանգները կը շարունակուին։ Ան կեցութեան ընթացքին այցելեց երկրի ֆութպոլի ենթակառուցուածքները։ Այս ամբողջին մէջ Նիքոլա Անելքա հիւրընկալուեցաւ նաեւ Հայաստանի Ֆութպոլի դաշնակցութեան նախագահ Արմէն Մելիքբեկեանի կողմէ։ Պաշտօնական աղբիւրներու հաղորդումներով, քննարկուեցան Հայաստանի Ֆութպոլի դաշնակցութեան հովանաւորութեան ներքեւ գործելիք արդիական թեքնիք կեդրոն-ակադեմիայի մը կառուցման հեռանկարները։ Այս ծրագիրը յառաջիկայ շրջանին պիտի հասուննայ՝ Նիքոլա Անելքայի երկրի ներկայ ենթակառուցուածքներու վերաբերեալ կազմած պատկերացումներուն լոյսին տակ։

Մինչ այդ, յայտնի ֆութպոլի աստղին այցելութիւնը Հայաստանի պատանի մարզիկներուն տեսակէտէ վերածուեցաւ տօնախմբութեան մը։

Շաբաթ, Յունուար 20, 2024