ԱՐԹՈՒՐ ԱԲՐԱՀԱՄ ՄԱՍՆԱԿՑԵՑԱՒ ԲԱՐԵԳՈՐԾԱԿԱՆ ՄԱՐԱԹՈՆԻ

Արթուր Աբրահամ բարեգործական նպատակով մասնակցեցաւ Պերլինի 45-րդ մարաթոնին։ Այսպէս, հայ արհեստավարժ կռփամարտիկ Արթուր Աբրահամ «Մենք կ՚օգնենք երեխաներուն» կարգախօսին տակ բարեգործական նպատակով մասնակցեցաւ Պերլինի 45-րդ մարաթոնին:

Այս մասին յայտնեց Արթուր Աբրահամի մամլոյ բանբեր Սիրան Գրիգորեան, որ նաեւ լուսանկարներ հրապարակեց մարաթոնէն:

Աբրահամ իր յաջորդ մենամարտը կը կատարէ գերմիջին քաշային կարգի աշխարհի ախոյեանի կոչման համար:

Հայ կռփամարտիկը նախապէս նշած էր, որ իրեն համար շատ կարեւոր է աշխարհի ախոյեանի տիտղոսը վերստանձնելը:

Շաբաթ, Սեպտեմբեր 22, 2018