ՄԽԻԹԱՐԵԱՆԻ 35-ԱՄԵԱԿԸ

Հայկական ֆութպոլի մեծ աստղերէն Հենրիխ Մխիթարեան այս շրջանին թեւակոխած է իր ծննդեան 35-ամեակը։ Ան ներկայիս կը կրէ Իտալիոյ «Ինթեր» ակումբի մարզաշապիկը։ Իտալական աշխարհահռչակ ակումբը շնորհաւորական մը հրապարակեց Մխիթարեանի յոբելեանին առթիւ։ Մինչ այդ, Հենրիխ Մխիթարեանի յոբելեանի ուրախութիւնը բաժնեցին նաեւ Հայաստանի Ֆութպոլի դաշնակցութիւնն ու Երեւանի՝ իր հասած «Փիւնիկ» ակումբը, որոնք եւս շնորհաւորականներ հրապարակեցին։

Միւս կողմէ, Հենրիխ Մխիթարեան յոբելենական այս շրջանին ապրեցաւ մեծ ուրախութիւն մը։ «Ինթեր»ի խաղընկերներուն հետ ան նուաճեց Իտալիոյ Սիւփէր բաժակը՝ երէկ երեկոյեան յաղթանակ տօնելով «Նափոլի» խումբին դիմաց։

Հարկ է նշել, որ այս վերջին նուաճումով Մխիթարեանի տիտղոսներուն թիւը հասաւ 25-ի։