ԾԱՆՐԱԿՇԻՌ ՀԱՐՈՒԱԾՆԵՐ

Ա­հա­բեկ­չա­կան դէպ­քե­րով վեր­ջին օ­րե­րուն ի­րե­րա­յա­ջորդ ցնցում­ներ ապ­րած Թուր­քիա ե­րէկ շարժ­ման ան­ցաւ «Ի­րաք-Շա­մի իս­լա­մա­կան պե­տու­թիւն» (Ի­ՇԻՊ) եւ ՓՔՔ ա­հա­բեկ­չա­կան կազ­մա­կեր­պու­թիւն­նե­րուն դէմ։ Ե­րէկ յետ­մի­ջօ­րէին Թուր­քիա-Սու­րիա սահ­մա­նէն հա­սան մտա­հո­գիչ լու­րեր։ Այս­պէս, Ի­ՇԻՊ-ի կող­մէ կրակ բա­ցուե­ցաւ Տա­ղի սահ­մա­նա­յին պա­հա­կա­կէ­տին վրայ եւ այս դէպ­քին հե­տե­ւան­քով նա­հա­տա­կուե­ցաւ են­թաս­պայ Եալ­չըն Նա­նէ։ Թուրք զի­նեալ ու­ժե­րը ան­մի­ջա­պէս շարժ­ման ան­ցան փո­խա­դարձ կրակ բա­նա­լով։ Ա­ռանց սահ­մա­նը հա­տե­լու բա­նա­կը լայ­նա­ծա­ւալ ու ազ­դու կրա­կի տակ պա­հեց Ի­ՇԻՊ-ի տե­ղա­կայուած շրջան­նե­րը։ Հան­րա­յին կար­ծի­քին ու­շադ­րու­թիւ­նը ան­մի­ջա­պէս լա­րուե­ցաւ այս ծան­րակ­շիռ ի­րա­դար­ձու­թեան վրայ։ Սկիզ­բին սահ­մա­նա­փակ պաշ­տօ­նա­կան յայ­տա­րա­րու­թիւն­ներ կա­տա­րուե­ցան, նաեւ կան­խուե­ցաւ այն տպա­ւո­րու­թիւ­նը, թէ եր­կի­րը կը մտնէ պա­տե­րազ­մի մը։ Իսկ ե­րե­կո­յեան ժա­մե­րուն մայ­րա­քա­ղաք Ան­գա­րա­յի մէջ տե­ղի ու­նե­ցաւ անվ­տան­գու­թեան գա­գա­թա­ժո­ղով մը, Վար­չա­պետ Ահ­մէտ Տա­վու­տօղ­լուի գլխա­ւո­րու­թեամբ։ Այս ժո­ղո­վէն վերջ, կէս գի­շե­րին սկսան նաեւ օ­դա­յին գոր­ծո­ղու­թիւն­նե­րը։ Թուրք զի­նեալ ու­ժե­րու թի­րա­խը դար­ձան ա­հա­բե­կիչ­նե­րը՝ օ­դէն ու ցա­մա­քէն ի­րա­կա­նա­ցուած ա­մե­նայն սաստ­կու­թեամբ ռմբա­կո­ծում­նե­րով։

Այս ծան­րակ­շիռ հա­րուած­նե­րու մթնո­լոր­տին մէջ հա­ղոր­դում­ներ կա­տա­րուե­ցան նաեւ Թուր­քիոյ եւ Ա­մե­րի­կա­յի Միա­ցեալ Նա­հանգ­նե­րու հա­մա­գոր­ծակ­ցու­թեան մա­սին։ Այս­պէս, թրքա­կան կող­մը հա­ւա­նու­թիւն տուած է, որ­պէս­զի ԱՄՆ Ի­ՇԻՊ-ի դէմ պայ­քա­րե­լու հա­մար օգ­տա­գոր­ծէ Ին­ճիր­լի­քի ռազ­մա­խա­րիս­խը. բան մը, ո­րու հա­մար եր­կար ժա­մա­նա­կէ ի վեր կը տա­տամ­սէր թրքա­կան կող­մը։ Փեն­թա­կո­նի ի­րա­ւա­սու­նե­րէն մին «Րէօյ­թըրզ»ին յայ­տա­րա­րեց, թէ սա այ­նպի­սի քայլ մըն է, որ փո­փո­խու­թեան կ՚են­թար­կէ խա­ղի կա­նոն­նե­րը։ Ա­սոր փո­խա­րէն, Սու­րիոյ սահ­մա­նին վրայ կը ստեղ­ծուի թռիչք­նե­րու հա­մար փակ գօ­տի մը, ինչ որ եր­կար ժա­մա­նա­կէ ի վեր կ՚ակն­կա­լուէր Ան­գա­րա­յի կող­մէ։

Միւս կող­մէ, այս ա­ռա­ւօտ Թուր­քիոյ 13 քա­ղաք­նե­րուն մէջ անվ­տան­գու­թեան ու­ժե­րը բազ­մա­հա­զար ոս­տի­կան­նե­րու մաս­նակ­ցու­թեամբ գոր­ծո­ղու­թիւն­նե­րու ձեռ­նար­կե­ցին՝ Ի­ՇԻՊ-ի, ՓՔՔ­-ի եւ այլ ձա­խա­կող­մեան կազ­մա­կեր­պու­թիւն­նե­րու դէմ։ Աւե­լի քան 250 հո­գի առնուած է հսկո­ղու­թեան տակ։