ՌՈՍՏՈՎԻ ՄԷՋ ՑԱՒԱԼԻ ԱՐԿԱԾ

Երէկ երեկոյեան ժամերուն Ռուսաստանի Ռոստովի մարզին մէջ տեղի ունեցաւ երթեւեկի արկած մը։ Այսպէս, ինքնաշարժ մը ճանապարհի երթեւեկելի հատուածէն դուրս գալով բախուեցաւ ծառի մը։

Հայաստանի ներքին գործոց նախարարութեան աղբիւրները տեղեկացուցին, որ այս դէպքին հետեւանքով երկու հոգի մահացած է, մէկ հոգի ալ վիրաւորուած։ Թէ՛ զոհերը եւ թէ վիրաւորը Հայաստանի Հանրապետութեան քաղաքացիներ են։

«Արմէնփրէս»ի հաղորդումներով, մահացածներէն մին ծնած է 2015 թուականին, իսկ միւսը՝ 1979 թուականին։ Նոյնպէս 1979 թուականին ծնած է վիրաւորը, որ ներկայիս Ռոստովի Բժշկական կեդրոնին մէջ դարմանման տակ կը գտնուի։