ՓԱՌԱՇՈՒՔ ՅՈՒՂԱՐԿԱՒՈՐՈՒԹԻՒՆ

Փա­րի­զի մէջ ե­րէկ տե­ղի ու­նե­ցաւ նախ­կին «Յա­ռաջ» օ­րա­թեր­թի բազ­մա­մեայ ու բազ­մա­վաս­տակ խմբագ­րա­պե­տու­հի Ար­փիկ Մի­սա­քեա­նի փա­ռա­շուք յու­ղար­կա­ւո­րու­թիւ­նը։ Որ­քան որ ալ պա­տա­հած ըլ­լայ յա­ռա­ջա­ցեալ տա­րի­քի մէջ՝ իր կո­րուս­տը վեր­ջին օ­րե­րուն խոր ցաւ յա­ռա­ջա­ցու­ցած է ինչ­պէս ֆրան­սա­հա­յու­թեան, այն­պէս ալ հա­մայն հա­յաշ­խար­հէն ներս։ Սփիւռ­քա­հայ մամ­լոյ նուի­րեալ, ուխ­տեալ սպա­սա­ւո­րի մը աստ­ղը սա­հած է՝ խոր յու­զում պատ­ճա­ռե­լով հայ­կա­կան լրագ­րու­թեան շրջա­նակ­նե­րուն։ Ան իս­կա­պէս հե­ղի­նա­կու­թիւն մըն էր իր աս­պա­րէ­զէն ներս եւ իր մա­տու­ցած ծա­ռա­յու­թեամբ ար­ժա­նա­ցած է ա­մէն գնա­հա­տան­քի՝ ան­կեղծ, ար­դար ու ան­վե­րա­պահ։

Փա­րի­զի Ս. Խաչ հայ կա­թո­ղի­կէ ե­կե­ղեց­ւոյ եր­դի­քին տակ, ե­րէկ ա­ռա­ւօտ, Ար­փիկ Մի­սա­քեա­նի յու­ղար­կա­ւո­րու­թիւ­նը տե­ղի ու­նե­ցաւ յըն­թացս Ս. Պա­տա­րա­գի, զոր մա­տոյց Տ. Յով­հան­նէս Բե­րու­զեան Գե­րա­պայ­ծա­ռը։ Ներ­կայ էր նաեւ Տ. Նոր­վան Արք. Զա­քա­րեան, որ ա­րա­րո­ղու­թեան ըն­թաց­քին խօ­սե­ցաւ կուռ դամ­բա­նա­կան մը։ Սգա­կիր­նե­րու շար­քին էր Փա­րի­զի մօտ Հա­յաս­տա­նի դես­պան Վի­գէն Չի­տէ­չեան, որ շրջա­պա­տուած էր դես­պա­նա­տան անձ­նա­կազ­մին կող­մէ։ Բաց աս­տի, ֆրան­սա­հայ հա­մայն­քին կող­մէ ընտ­րա­նի բազ­մու­թիւն մը մաս­նակ­ցե­ցաւ Ար­բիկ Մի­սա­քեա­նի յու­ղար­կա­ւո­րու­թեան, ինչ­պէս՝ վար­չա­յին­ներ, հա­սա­րա­կա­կան գոր­ծիչ­ներ, բա­րե­րար­ներ, մտա­ւո­րա­կան­ներ, ա­րուես­տա­գէտ­ներ, հա­մալ­սա­րա­նի դա­սա­խօս­ներ, լրագ­րող­ներ, կու­սակ­ցա­կան դէմ­քեր, նաեւ իր բա­րե­կամ­ներն ու հա­մա­կիր­նե­րը, ո­րոնք փու­թա­ցած  էին ի­րենց վեր­ջին յար­գան­քը ար­տա­յայ­տե­լու Ար­փիկ Մի­սա­քեա­նի նկատ­մամբ։ Ֆրան­սա­հայ հա­մայն­քին ներ­կա­յա­ցու­ցիչ­նե­րը ցաւ ի սիրտ հրա­ժեշտ տուին նո­րոգ հան­գու­ցեալ Ար­փիկ Մի­սա­քեա­նին՝ ի­րենց բիւր յար­գան­քին ա­ռար­կայ դարձ­նե­լով զայն։ Այս առ­թիւ բո­լոր յու­ղար­կա­ւոր­նե­րը ի­րենց խո­նար­հու­մը բե­րին դա­գա­ղին մօտ, որ զե­տե­ղուած էր խո­րա­նին առ­ջեւ։ Մինչ այդ հրա­պարակուե­ցաւ Հա­յաս­տա­նի Ար­տա­քին գոր­ծոց նա­խա­րար Ե­դուարդ Նալ­պան­տեա­նի պաշ­տօ­նա­կան ցա­ւակ­ցա­կա­նը։ Յու­զում­նա­խառն ա­րա­րո­ղու­թեան ա­ւար­տին Ար­փիկ Մի­սա­քեա­նի ան­շունչ մար­մի­նը ամ­փո­փուե­ցաւ Փէր Լա­շէ­զի գե­րեզ­մա­նա­տան մէջ։

Միւս կող­մէ, ֆրան­սա­հայ լրա­տուա­մի­ջոց­ներն ալ վեր­ջին օ­րե­րուն ա­նընդ­հատ կ՚անդ­րա­դառ­նան Ար­փիկ Մի­սա­քեա­նի մա­հուան՝ ընդգ­ծե­լով իր ան­փո­խա­րի­նե­լի վաս­տակն ու վառ ան­հա­տա­կա­նու­թիւ­նը։ Իսկ ե­րէ­կ-ւան յու­ղար­կա­ւո­րու­թեան ըն­թաց­քին բո­լո­րը վշտակ­ցու­թիւն ու բա­րո­յա­կան զօ­րակ­ցու­թիւն յայտ­նե­ցին Ար­փի Թո­թո­յեա­նին, որ վեր­ջին տաս­նա­մեակ­նե­րուն ե­ղած էր լու­սա­հո­գի Ար­փիկ Մի­սա­քեա­նի ան­մի­ջա­կան գոր­ծա­կի­ցը։