ԼՈՍ ԱՆՃԵԼԸՍԻ ՊՈԼՍԱՀԱՅ ՄԻՈՒԹԵԱՆ ՄԷՋ ՆՈՐ ԵՂԱՆԱԿԻ ԲԱՑՈՒՄ

Լոս Անճելըսի Պոլսահայ միութեան մէջ նոր եղանակի բացումը բնորոշուեցաւ՝ աւանդական ընթրիքով մը, որու ընթացքին ընտանեկան հաւաքոյթի մը մթնոլորտը ստեղծուեցաւ։ Ընթրիքի սեղաններու շուրջ համախմբուած անդամներուն խօսք ուղղեցին միութեան մշակոյթի յանձնախումբի ատենապետ տքթ. Յովհաննէս Քուլաք-Աւետիքեան եւ քարտուղարուհի Մարիէթ Օհանէս։

Ներկաները նոր եղանակի բացման հաւաքոյթին ջերմօրէն շնորհաւորեցին միութեան վարչութեան ատենապետ տքթ. Մուրատ Քէօշքէրն ու կողակիցը՝ Անէթ Քէօշքէրը, որոնք մօտաւոր անցեալին բախտաւորուած էին թոռնիկով մը։

Նոր եղանակի բացման առթիւ ներկաներէն ոմանք նուիրատուութիւններ ալ ըրին միութեան։