Եգիպտացի միլիառատէրը կ՚ուզէ կղզի մը գնել փախստականները տեղաւորելու համար

Ե­գիպ­տա­ցի մի­լիա­ռա­տէր Նա­կիպ Սա­վի­րիս դի­մած Է Ի­տա­լիոյ եւ Յու­նաս­տա­նի իշ­խա­նու­թիւն­նե­րուն այն ա­ռա­ջար­կով, թէ կ՚ու­զէ ա­նոնց­մէ գնել կղզի մը, որ­պէս­զի զայն յատ­կաց­նէ փախս­տա­կան­նե­րուն։

«Արմէնփրէս»ի համաձայն, «Յու­նաս­տան կամ Ի­տա­լիա, ին­ծի վա­ճա­ռե­ցէք ձեր կղզի­նե­րէն մէ­կը: Ես կը յայ­տա­րա­րեմ ա­նոր ան­կա­խու­թիւ­նը, կ՚ըն­դու­նիմ փախս­տա­կան­նե­րը եւ զա­նոնք կ՚ա­պա­հո­վեմ աշ­խա­տան­քով: Այն­տեղ ա­նոնք կը կա­ռու­ցեն ի­րենց նոր հայ­րե­նի­քը», յայ­տա­րա­րած է Սա­վի­րիս:

2015 թո­ւա­կա­նի սկիզ­բէն ի վեր Եւ­րո­պա­կան Միու­թեան տա­րածք ժա­մա­նած են շուրջ 340 հա­զար փախս­տա­կան­ներ: Փոր­ձա­գէտ­նե­րու կար­ծի­քով՝ ներ­կա­յիս Եւ­րո­պա­կան միու­թեան եր­կիր­նե­րէն ներս ա­նօ­րի­նա­կան փախս­տա­կան­նե­րու շուրջ ստեղ­ծո­ւած ի­րադ­րու­թիւ­նը գաղ­թա­կան­նե­րու հետ կա­պո­ւած վատ­թա­րա­գոյն ճգնա­ժամն մըն է Եր­կորդ հա­մաշ­խար­հա­յին պա­տե­րազ­մի ժա­մա­նակ­նե­րէն ի վեր։

Ար­դէն հա­ղոր­դո­ւած Է, որ Ֆրան­սա­յի Նա­խա­գահ Ֆրան­սո­ւա Օ­լանտ եւ Գեր­մա­նիոյ Վար­չա­պետ Ան­կե­լա Մեր­քէլ հա­մա­ձայ­նած են Եւ­րո­պա փախս­տա­կան­նե­րու ներ­հոս­քի դէմ պայ­քա­րի մի­ջո­ցա­ռում­նե­րուն շուրջ: Ա­նոնք ինչ­պէս ճշդած են Է­լի­զէի պա­լա­տին մէջ, խօս­քը, մաս­նա­ւո­րա­պէս, կը վե­րա­բե­րի Եւ­րո­պա­կան միու­թեան տար­բեր եր­կիր­նե­րու մի­ջեւ փախս­տա­կան­նե­րու ըն­դուն­ման բաշ­խիչ հա­մա­կարգ մը կի­րա­ռե­լու շուրջ:

Մինչ­դեռ Հուն­գա­րիոյ Վար­չա­պետ Վիկ­տոր Օր­պան իր դժգո­հու­թիւ­նը յայտ­նած է Եւ­րո­միու­թեան փախ­սա­կան­նե­րու վե­րա­բե­րեալ քա­ղա­քա­կա­նու­թե­նէն եւ հիմ­նա­ւո­րո­ւած է Սեր­պիոյ հետ սահ­մա­նին ցան­կա­պա­տի անհ­րա­ժեշ­տու­թեան: Օր­պան ընդգ­ծած Է, որ Եւ­րո­պա­յի քրիս­տո­նէա­կան մշա­կոյ­թը գաղ­թա­կան­նե­րու յա­խուռն հոս­քի դէպ­քով հա­զիւ թէ ի վի­ճա­կի կ՚ըլ­լայ պահ­պա­նել ար­ժէք­նե­րու սե­փա­կան քրիս­տո­նէա­կան հա­մա­կար­գը։

Մինչ այդ, Անգ­լիոյ մէջ, Տէյ­վիտ Քե­մրըն եւ Ֆի­լիփ Հա­մոնտ քննա­դա­տուած են, ո­րով­հե­տեւ «ան­մարդ­կա­յին» լե­զու գոր­ծա­ծած են նկա­րագ­րե­լու հա­մար գաղ­թա­կան­նե­րը: Անգ­լիոյ վար­չա­պե­տը Մեծն Բրի­տա­նիա ե­կող գաղ­թա­կան­նե­րը նման­ցու­ցած էր մի­ջատ­նե­րու մեծ խում­բի մը, եւ ա­ւե­լի ուշ յայտ­նած էր, որ պի­տի չար­տօ­նէ այս մար­դոց իր եր­կի­րը ներ­խու­ժելուն:

ԱՅՍ ՏԱՐԻ 13 ՄԻԼԻՈՆ ԵՐԱԽԱՅ ԴՊՐՈՑ ՉԷ ՅԱՃԱԽԱԾ ՊԱՏԵՐԱԶՄՆԵՐՈՒ ՊԱՏՃԱՌՈՎ

Միւս կողմէ, Մի­ջին Ա­րե­ւել­քի ու Հիւ­սի­սա­յին Ափ­րի­կէի մէջ պա­տե­րազմ­նե­րու ու զի­նեալ հա­կա­մար­տու­թիւն­նե­րու պատ­ճա­ռով 13 մի­լիոն ե­րա­խայ այս տա­րի զրկո­ւած է դպրոց յա­ճա­խե­լու հնա­րա­ւո­րու­թե­նէն: Այս մա­սին տո­ւեալ­ներ ներ­կա­յա­ցու­ցած է ՄԱԿ-ի Ման­կա­կան հիմ­նադ­րա­մը (ԻՒ­ՆԻ­ՍԷՖ)՝ «Կրթու­թիւ­նը վտան­գո­ւած է» զե­կոյ­ցին մէջ:

Զե­կոյ­ցի հե­ղի­նակ­նե­րը նշած են, որ Մի­ջին Ա­րե­ւել­քի եւ Հիւ­սի­սա­յին Ափ­րի­կէի մէջ ծա­ւա­լող ռազ­մա­կան գոր­ծո­ղու­թիւն­նե­րու պայ­ման­նե­րուն մէջ կը մեծ­նայ սե­րունդ մը, որ ամ­բող­ջո­վին դուրս  մնա­ցած է կրթա­կան հա­մա­կար­գէն,  բան մը որ ուղ­ղա­կիօ­րէն վտան­գի տակ  դրած է մի­լիո­նա­ւոր ե­րա­խա­նե­րու լու­սա­ւոր ա­պա­գան:

Մաս­նա­գէտ­նե­րը ա­ւել­ցու­ցած են, որ ե­րա­խա­նե­րը չեն յա­ճա­խեր դպրոց­ներ, քա­նի որ հա­կա­մար­տող կող­մերն ու ա­հա­բեկ­չա­կան խմբա­ւո­րում­նե­րը յա­ճախ կը յար­ձա­կին կրթա­կան հաս­տա­տու­թիւն­նե­րուն վրայ: Բա­ցի այդ, ռազ­մա­կան գոր­ծո­ղու­թիւն­նե­րուն հե­տե­ւան­քով դպրոց­նե­րէն շա­տե­րը ա­ւե­րո­ւած են ու այ­լեւս պի­տա­նի չեն դա­սըն­թաց­քնե­րու ի­րա­կա­նաց­ման հա­մար: