ՆԱԽԱՐԱՐ ՎՈԼՔԱՆ ՊՈԶՔԸՐԻ ՄԱՍՆԱԿՑՈՒԹԵԱՄԲ ՆԱԽԱՃԱՇ՝ ՍԿԻՒՏԱՐԻ ՄԷՋ

Եւ­րո­պա­կան միու­թեան գծով նա­խա­րար Վոլ­քան Պոզ­քըր, որ ԱՔ կու­սակ­ցու­թեան կող­մէ ա­ռա­ջադ­րուած է ե­րես­փո­խա­նու­թեան թեկ­նա­ծու, յա­ռա­ջի­կայ խորհրդա­րա­նա­կան ընտ­րու­թիւն­նե­րուն ըն­դա­ռաջ ե­րէկ ա­ռա­ւօտ Սկիւ­տա­րի շրջա­նի փոք­րա­մաս­նու­թեանց ներ­կա­յա­ցու­ցիչ­նե­րուն հետ հա­մախմ­բուե­ցաւ նա­խա­ճա­շի սե­ղան­նե­րու շուրջ։ Սկիւ­տա­րի քա­ղա­քա­պե­տու­թեան զբօ­սա­րա­նին մէջ տե­ղի ու­նե­ցաւ այս նա­խա­ճա­շը, ո­րուն ներ­կայ գտնուե­ցան ԱՔ կու­սակ­ցու­թեան Սկիւ­տա­րի մաս­նա­ճիւ­ղի ղե­կա­վար Հա­լիտ Հը­զըր եւ նոյն մաս­նա­ճիւ­ղի փոք­րա­մաս­նու­թեանց գծով պա­տաս­խա­նա­տու Նուր­ճան Ալ­թըն։

Մեր հա­մայն­քին կող­մէ ներ­կայ գտնուե­ցան Սկիւ­տա­րի Ս. Խաչ ե­կե­ղեց­ւոյ հո­գե­ւոր հո­վիւ Տ. Կո­րիւն Քա­հա­նայ Ֆէ­նէր­ճեան, նոյն ե­կե­ղեց­ւոյ Թա­ղա­յին խոր­հուր­դի ա­տե­նա­պետ Յով­հան­նէս Կո­պո­յեան եւ իր ըն­կեր­նե­րը, ինչ­պէս նաեւ թա­ղի յա­րա­կից մար­մին­նե­րու ներ­կա­յա­ցու­ցիչ­նե­րը։ Ս. Խա­չի ըն­տա­նի­քի ան­դամ­նե­րը ջերմ վե­րա­բեր­մուն­քի ար­ժա­նա­ցան հա­ւա­քոյ­թի կազ­մա­կեր­պիչ­նե­րուն կող­մէ, նաեւ ան­մի­ջա­կան մթնո­լոր­տի մը մէջ զրու­ցե­ցին Վոլ­քան Պոզ­քը­րի հետ։

Նա­խա­ճա­շի ըն­թաց­քին ող­ջոյ­նի խօս­քեր ար­տա­սա­նե­ցին Նուր­ճան Ալ­թըն, Հա­լիտ Հը­զըր եւ Տ. Կո­րիւն Քա­հա­նայ Ֆէ­նէր­ճեան։ Ար­տա­յայ­տուե­ցաւ նաեւ Յով­հան­նէս Կո­պո­յեան, որ մատ­նան­շեց ԱՔ կու­սակ­ցու­թեան իշ­խա­նու­թեան տա­րի­նե­րուն ի­րենց նկատ­մամբ ցու­ցաբերուած բա­րեա­ցա­կամ վե­րա­բեր­մուն­քը։ Այս բո­լո­րէն վերջ ար­տա­յայ­տուե­ցաւ նաեւ Վոլ­քան Պոզ­քըր, որ խօ­սե­ցաւ ԱՔ կու­սակ­ցու­թեան որ­դեգ­րած սկզբունք­նե­րուն եւ յա­ռա­ջի­կայ շրջա­նի վե­րա­բե­րեալ կան­խա­տե­սում­նե­րուն շուրջ։

Ի յի­շա­տակ այս հա­ւա­քոյ­թին Հա­լիտ Հը­զը­րի կող­մէ յու­շա­նուէր մըն ալ յանձ­նուե­ցաւ նա­խա­րա­ր Վոլքան Պոզքըրին։

​