ԱՐԹՈՒՐ ԹՈՎՄԱՍԵԱՆ ՈՍԿԷ ՄԵՏԱՅԼ ՆՈՒԱՃԵՑ ՀԱՐԱՒԱՅԻՆ ՔՈՐԷԱՅԻ ՀԱՄԱԼՍԱՐԱՆԱԿԱՆ ԽԱՂԵՐՈՒՆ ՇՐՋԱԳԾՈՎ

Հա­մա­հա­մալ­սա­րա­նա­կան 28-րդ ա­մառ­նա­յին խա­ղե­րը այ­ս օ­րե­րուն տե­ղի կ՚ու­նե­նան Հա­րա­ւա­յին Քո­րէա­յի Կվանկ­ժու քա­ղա­քին մէջ։ Այս ա­ռա­ւօ­տեան դրու­թեամբ, Հա­յաս­տան նուա­ճեց ոս­կէ մե­տայլ մը։ Մարմ­նա­մար­զու­թեան եզ­րա­փա­կիչ փու­լին, օ­ղակ­նե­րու մրցա­շար­քին շրջագ­ծով ա­ռաջ­նու­թեան հա­սաւ Հա­յաս­տա­նի ներ­կա­յա­ցու­ցիչ Ար­թուր Թով­մա­սեան։ Ան գե­րա­զանց յա­ջո­ղու­թիւն մը ար­ձա­նագ­րեց ա­պա­հո­վե­լով 15 հա­զար 500 միա­ւոր ու նուա­ճեց հա­մալ­սա­րա­նա­կան­նե­րու ա­խո­յեա­նի կո­չու­մը։ Մրցակ­ցու­թեան ըն­թաց­քին Թով­մա­սեան յա­ջո­ղե­ցաւ իր ե­տին թո­ղուլ Եւ­րո­պա­յի ա­խո­յեան­ներ՝ Ի­կոր Ռա­տի­պի­լո­վը եւ Ա­լէք Վեր­նիա­յը։ Ար­թուր Թով­մա­սեա­նի մար­զիչն է Կա­րէն Պաղ­տա­սա­րեան։

Հարկ է նշել, որ շա­բա­թա­վեր­ջին սկսած այս կա­րե­ւոր մրցա­շար­քին շրջագ­ծով սա Հա­յաս­տա­նի նուա­ճած ա­ռա­ջին մե­տայլն է։ 170 երկրէ աւելի քան 20 հազար մարզիկ կը մասնակցի այս մրցաշարքին՝ 21 մարզաձեւերու մէջ մետայլներ նուաճելու ջանքով։