ՊՐԻՒՔՍԷԼԷՆ ԽՐԱԽՈՒՍԱՆՔ

Երէկ, Պրիւքսէլի մէջ տեղի ունեցաւ Եւրոմիութեան կողմէ կազմակերպուած հերթական Սուրիոյ խորհրդաժողովը, որուն առաջին անգամ հրաւիրուեցաւ նաեւ Դամասկոսի ղեկավարութեան ներկայացուցիչը։ 2017-էն ի վեր ԵՄ-ի կողմէ կը կազմակերպուին այս հաւաքները, այս անգամուանը իններորդն էր իր նմաններու շարքին։ Ներկայ էր նաեւ Սուրիոյ արտաքին գործոց նախարար Էսատ Շէյպանի։

«Սուրիոյ կողքին կանգնիլ. յաջող անցումի մը համար դիմագրաւել կարիքները» խորագրեալ խորհրդաժողովին մասնակցեցան աւելի քան քառասուն երկրի եւ միջազգային կազմակերպութեան ներկայացուցիչները։

Կը հաղորդուի, որ Սուրիոյ անցումային շրջանին համար խորհրդաժողովի մասնակիցները խոստացած են յատկացնել ընդհանուր առմամբ 5.8 միլիոն եւրօ՝ զանազան ուղղութիւններով արժեւորման համար։