ՀԱՅԱՍՏԱՆԻ ԲԵՌՆԱՏԱՐՆԵՐԸ ՑԱՄԱՔԱՅԻՆ ՍԱՀՄԱՆԷՆ ԹՈՒՐՔԻԱ ՄՈՒՏՔ ԳՈՐԾԵՑԻՆ՝ ՈՒՂԵՒՈՐԵԼՈՒ ՀԱՄԱՐ ԴԷՊԻ ՍՈՒՐԻԱ

Թուրքիա-Հայաստան ցամաքային սահմանը երէկ բացուեցաւ ժամանակաւորապէս։ Այսպէս, Հայաստանէն Սուրիա մարդասիրական օժանդակութեան փոխադրութեան համար օգտագործուեցաւ Մարգարա-Ալիճան անցակէտը։ Հայաստանի «Ապաւէն» ընկերութեան բեռնատարները այդ անցակէտը հատելով ուղեւորուեցան դէպի Սուրիա։ Հայաստան դէպի Սուրիա մարդասիրական օժանդակութիւն կը հասցնէ՝ Թուրքիոյ տարանցումով։ Աւելի առաջ հաղորդուած էր, թէ ցամաքային սահմանը տասն օրով բաց կը մնայ այս գործարքին նպատակով։ 

Երեւանի դիւանագիտական աղբիւրները հաղորդեցին, որ մարդասիրական օժանդակութիւնը կ՚ընդգրկէ միայն սննդամթերք ու դեղօրայք։