Հինգշաբթի 3, Ապրիլ 2025
ԱՆԳԱՐԱ ԻՐԵՐԱՅԱՋՈՐԴ Կ՚ԸՆԴՈՒՆԻ ՊԱՔՈՒԷՆ ԵՒ ԹԻՖԼԻԶԷՆ ՀԻՒՐԵՐ
Արտաքին գործոց նախարար Հաքան Ֆիտան երէկ ընդունեց Ատրպէյճանի նախագահական աշխատակազմի արտաքին յարաբերութիւններու պատասխանատու Հիքմէթ Հաճիեւը, որ նախօրէին Իսրայէլի վարչապետ Պենիամին Նեթանիյահուի հետ հանդիպած էր։ Անգարայի մէջ Հաճիեւ տեսակցեցաւ նաեւ Հանրապետութեան նախագահութեան հաղորդակցութեան բաժանմունքի ղեկավար Ֆահրետտին Ալթունի հետ։ Պաշտօնական աղբիւրներու հաղորդումներով, Ֆիտան-Հաճիեւ հանդիպումը դռնփակ էր։ Ալթունն ալ Հաճիեւի հետ շօշափեց՝ բարեկամ ու եղբայր այս երկու երկիրներու հաղորդակցութեան եւ մետիայի ոլորտներէ ներս համագործակցութեան վերաբերեալ հարցեր։
Միւս կողմէ, Վրաստանի արտաքին գործոց նախարար Մաքա Պոճորիշվիլի այսօր կ՚այցելէ Անգարա։
Չորեքշաբթի, Փետրուար 26, 2025