«ՈՒՔՐԱՅՆԱ ՊԷՏՔ Է ՄՈՌՆԱՅ ՆԱԹՕ-Ն»

Ամերիկայի Միացեալ Նահանգներու նախագահ Տանըլտ Թրամփ յայտարարեց, որ Ուքրայնա կրնայ մոռնալ ՆԱԹՕ-ի անդամակցութիւնը։ Ան այս հանգամանքը ընդգծեց՝ բիւրեղացնելով այն հաւանական զիջումները, որոնք Ռուսաստանին կրնան տրուիլ՝ Ուքրայնայի հակամարտութեան կարգաւորման համար։ Միւս կողմէ, նոյն օրակարգով, ԱՄՆ-ի եւ Ռուսաստանի միջեւ այսօր բանակցութիւններ տեղի կ՚ունենան՝ Թուրքիոյ հիւրընկալմամբ։ Ի շարունակութիւն շուրջ տասն օր առաջ Ռիատի մէջ տեղի ունեցած բանակցութիւններուն՝ ամերիկացի եւ ռուս դիւանագէտները այսօր Իսթանպուլի մէջ մէկտեղուած են։ Սա փորձագէտներու մակարդակով հանդիպում մըն է։ Սակարկութիւնները կ՚ընթանան նաեւ թանկարժէք հանածոներու շուրջ

Նախագահ Տանըլտ Թրամփ քանի մը օր առաջ յայտնած էր, որ ԱՄՆ թոյլ չի տար, որպէսզի Ռուսաստան-Ուքրայնա հակամարտութիւնը վերածուի երրորդ համաշխարհային պատերազմի մը։