ՊԷՇԻԿԹԱՇԻ ԵԿԵՂԵՑՒՈՅ ՄԷՋ ԱՐԵՒԱԳԱԼ

Երէկ, Պէշիկթաշի Ս. Աստուածածին եկեղեցւոյ մէջ տեղի ունեցաւ Արեւագալի արարողութիւն՝ հանդիսապետութեամբ Տ. Յարութիւն Վրդ. Տամատեանի, որ խօսեցաւ նաեւ քարոզ մը։ Ներկայ էին նաեւ Տ. Սարգիս Աւ. Քհնյ. Գույումճեան եւ Տ. Գէորգ Աւ. Քհնյ. Չընարեան։ Երգեցողութիւնները կատարուեցան՝ գլխաւորութեամբ Էտվին Սրկ. Կալիպօղլուի։ Արեւագալի աւարտին կատարուեցաւ նաեւ ջրօրհնէք։

Կրօնական արարողութիւններէն վերջ, ատենապետ Կարօ Վարժապետեանի կողմէ գլխաւորուած Պէշիկթաշի եկեղեցւոյ թաղային խորհուրդը սարքեց պահքի սիրոյ սեղան մը, որու ընթացքին ներկայ ուխտաւորները մտերմիկ զրոյց ունեցան իրարու միջեւ։