ՀՌՈՄԻ ՄԷՋ ՆՍՏԱՇՐՋԱՆ

Հռո­մի մէջ այս օ­րե­րուն տե­ղի կ՚ու­նե­նայ Կա­թո­լիկ-Ա­րե­ւե­լեան Ուղ­ղա­փառ մի­ջե­կե­ղե­ցա­կան երկ­խօ­սու­թեան մի­ջազ­գա­յին աս­տուա­ծա­բա­նա­կան միա­ցեալ յանձ­նա­խում­բին հեր­թա­կան նստաշր­ջա­նը։ Ժո­ղով­նե­րը սկսան ան­ցեալ շա­բա­թա­վեր­ջին ու պի­տի շա­րու­նա­կուին մին­չեւ Յու­նուա­րի 28-ը։ Իր տե­սա­կին մէջ 14-րդն է այս նստաշր­ջա­նը։ Երկ­խօ­սու­թեան հա­մար նա­խա­տե­սուած աս­տուա­ծա­բա­նա­կան նիւթն է՝ «Սուրբ Հա­ղոր­դու­թեան խոր­հուր­դը եւ ե­կե­ղե­ցին»։ Նիս­տե­րու ըն­թաց­քին միա­ցեալ յանձ­նա­խում­բի 26 ան­դամ­նե­րը կը քննար­կեն եր­կու ե­կե­ղե­ցա­կան ըն­տա­նիք­նե­րէ ներս Սուրբ Հա­ղոր­դու­թեան խոր­հուր­դի պատ­մա­կան զար­գա­ցու­մը, ծի­սա­կան-աս­տուա­ծա­բա­նա­կան ա­ռանձ­նա­յատ­կու­թիւն­նե­րը եւ ե­կե­ղե­ցա­բա­նա­կան ար­տա­յայ­տում­նե­րը։

Ա­մե­նայն Հա­յոց Տ.Տ. Գա­րե­գին Բ. Կա­թո­ղի­կո­սի օրհ­նու­թեամբ, Մայր Ա­թոռ Սուրբ Էջ­միած­նի կող­մէ յանձ­նա­խում­բի աշ­խա­տանք­նե­րուն պաշ­տօ­նա­պէս կը մաս­նակ­ցին Հայց. Ա­ռա­քե­լա­կան Ե­կե­ղեց­ւոյ Հիւ­սի­սա­յին Ա­մե­րի­կա­յի Ա­րե­ւե­լեան Թե­մի Ա­ռաջ­նորդ Տ. Խա­ժակ Արք. Պար­սա­մեան եւ Ա­մե­նայն Հա­յոց Կա­թո­ղի­կո­սու­թեան Մի­ջե­կե­ղե­ցա­կան յա­րա­բե­րու­թիւն­նե­րու բաժ­նի տնօ­րէն Տ. Շա­հէ Ծ. Վրդ. Ա­նա­նեան։

Հա­յոց ե­կե­ղե­ցիէն ներս Սուրբ Հա­ղոր­դու­թեան խոր­հուր­դի ծի­սա­կան-աս­տուա­ծա­բա­նա­կան ա­ռանձ­նա­յատ­կու­թիւն­նե­րը կը ներ­կա­յա­ցուին «Սուրբ Հա­ղոր­դու­թեան խոր­հուր­դի պատ­մա­կան զար­գա­ցու­մը, Սուրբ Պա­տա­րա­գի եւ ե­կե­ղեց­ւոյ աս­տուա­ծա­բա­նա­կան ա­ռըն­չու­թիւն­նե­րը Հա­յաս­տա­նեայց Ա­ռա­քե­լա­կան Ե­կե­ղեց­ւոյ ա­ւան­դու­թեան մէջ» խո­րագ­րեալ զե­կու­ցու­մով մը։