ՎԱՐԴԱՆ ՄԻՆԱՍԵԱՆ ԱՒԱԳ ՄԱՐԶԻՉ

Հայաստանի ֆութպոլի ազգային հաւաքականի աւագ մարզիչ նշանակուեցաւ Վարդան Մինասեան։ Ինչպէս ծանօթ է, քանի մը օր առաջ այդ պաշտօնը թափուր մնացած էր Արթուր Պետրոսեանի հրաժարականով։

Վարդան Մինասեան հայկական ֆութպոլի աշխարհի յայտնի անուններէն մին է։ Ան նախապէս ալ գլխաւորած է հայկական ընտրանին։ Իր պաշտօնավարութեան շրջանին Հայաստանի ֆութպոլի ազգային հաւաքականը թէեւ ունեցած է ձախողութիւններ, սակայն ապահոված է նաեւ յարաբերաբար թռիչքի շրջան մը։

Այժմ հայկական ֆութպոլի աշխարհը կ՚ակնկալէ, որ Վարդան Մինասեանի մականին ներքեւ դարձեալ թռիչքի շրջան մը ունենայ ազգային խումբը։