ՀԱՍԱՐԱԿՈՒԹԻՒՆԸ ԴԵՌ ԿԸ ՅԱՄԱՌԻ

Ե­լեկտ­րա­կա­նու­թեան սա­կա­գի­նի բարձ­րաց­ման դէմ Հա­յաս­տա­նի մէջ տե­ղի ու­նե­ցող ցոյց­նե­րը կը շա­րու­նա­կուին նոյն ուժգ­նու­թեամբ։ Ցու­ցա­րար­նե­րը ամ­բող­ջա­պէս փա­կած են Բաղ­րա­մեան պո­ղո­տան։ Հա­կա­ռակ ե­րէկ տե­ղա­ցող տե­ղա­տա­րափ անձ­րե­ւին, բազ­մա­թիւ ե­րի­տա­սարդ­նե­րէ ալ բաղ­կա­ցած հան­րու­թիւ­նը կը շա­րու­նա­կէ տէր կանգ­նիլ իր դա­տին։ Ե­րէկ Վար­չա­պետ Յո­վիկ Աբ­րա­հա­մեան կա­ռա­վա­րու­թեան նիս­տի ժա­մա­նակ յայ­տա­րա­րեց, թէ խորհր­դակ­ցե­լով Նա­խա­գահ Սերժ Սարգ­սեա­նի հետ, հիմ­նա­ւո­րուած կը հա­մա­րէ սա­կա­գի­նին բարձ­րա­ցու­մը։ Ան կոչ ը­րաւ ցու­ցա­րար­նե­րուն, որ­պէս­զի բա­նան փո­ղո­ցը։

Ցոյ­ցե­րու կազ­մա­կեր­պիչ «Ո՛չ թա­լա­նին» կազ­մա­կեր­պու­թեան ան­դամ Վա­ղի­նակ Շու­շա­նեան որ­պէս պա­տաս­խան Աբ­րա­հա­մեա­նի խօս­քին ը­սաւ, թէ ա­տոնք «առ­հա­սա­րակ նշա­նա­կու­թիւն չու­նին» ի­րենց հա­մար։

Հարկ է տե­ղե­կաց­նել, թէ հա­կա­ռակ կա­տա­րուած բո­ղոք­նե­րուն, Հա­յաս­տա­նի Հան­րա­յին ծա­ռա­յու­թեանց յանձ­նա­ժո­ղո­վը ե­լեկտ­րա­կա­նու­թեան սա­կա­գի­նը բարձ­րա­ցու­ցած էր գրե­թէ 7 դրա­մով։ Երկ­րի մը մէջ ուր աղ­քա­տու­թեան աս­տի­ճա­նը կը հաս­նի 32 տո­կո­սի, դժգո­հու­թիւն յա­ռաջ կը բե­րէ այս ո­րո­շու­մը, մա­նա­ւանդ որ վեր­ջին ե­րեք տա­րի­նե­րուն կա­տա­րուած բարձ­րա­ցում­նե­րով ընդ­հա­նուր առ­մամբ 60 տո­կո­սի կը հաս­նի կա­տա­րուած բարձ­րա­ցու­մը։ Այս սա­կա­գի­նը սո­վե­տա­կան նախ­կին եր­կիր­նե­րու մէջ ա­մե­նա­բարձրն է։ Մա­նա­ւանդ որ, Հա­յաս­տան ինք­նա­բաւ է ե­լեկտ­րա­կա­նու­թեան ա­ռու­մով եւ ինք կ՚ար­տադ­րէ իր հո­սան­քը։ Հա­յաս­տա­նի ե­լեկտ­րա­կա­նու­թիւ­նը հսկող ըն­կե­րու­թիւ­նը ռու­սա­կան կազ­մա­կեր­պու­թիւն մըն է, ո­րու բարձ­րաս­տի­ճան ղե­կա­վար­նե­րը մի­լիո­նա­ւոր դրամ ար­ժո­ղու­թեամբ ինք­նա­շարժ­նե­րով եւ յար­կա­բաժ­նի վարձ­քե­րով կը բնա­կին Ե­րե­ւա­նի մէջ եւ այս բո­լո­րը մեծ ընդվ­զում կը յա­ռա­ջաց­նէ հա­սա­րա­կու­թեան մօտ։