ՄԻՐԶՈՅԵԱՆ ԹԵՀՐԱՆԻ ՄԷՋ

Հայաստանի արտաքին գործոց նախարար Արարատ Միրզոյեան այսօր կ՚այցելէ Թեհրան, ուր կը հիւրընկալուի Իրանի արտաքին գործոց նախարար Ամիր Ապտուլլահիանի կողմէ։ Երկու նախարարները կ՚ունենան առանձնազրոյց մը, կը գլխաւորեն պատուիրակութիւններու բանակցութիւնները, նաեւ կը սարքեն համատեղ մամլոյ ասուլիս մը։

Տարածաշրջանէն ներս Հայաստանի դիմագրաւած առկայ մարտահրաւէրներու մթնոլորտին մէջ չափազանց կարեւորութիւն կը ներկայացնեն Իրանի հետ յարաբերութիւնները, օրակարգի հրատապ հարցերուն շուրջ անոր որդեգրած դիրքորոշումով հանդերձ։