«ՍՓԻՒՌՔ» ԱՄԱՌՆԱՅԻՆ ԴՊՐՈՑԻ ՄԱՍՆԱԿԻՑՆԵՐԸ ԱՅՑԵԼԵՑԻՆ ՀԱՅԱՍՏԱՆԻ ԱԶԳԱՅԻՆ ԺՈՂՈՎ

Հա­յաս­տա­նի Սփիւռ­քի նա­խա­րա­րու­թեան կող­մէ կազ­մա­կեր­պուած «Սփիւռք» ա­մառ­նա­յին դպրո­ցի ծրագ­րին մաս­նա­կից­նե­րը վեր­ջերս հիւ­րըն­կա­լուե­ցան երկ­րի խորհր­դա­րա­նին մէջ։ Հա­յաս­տա­նի Ազ­գա­յին ժո­ղո­վի նա­խա­գահ Գա­լուստ Սա­հա­կեան ջերմ մթնո­լոր­տի մը մէջ ըն­դու­նեց հիւ­րե­րը, ո­րոնց կ՚ու­ղեկ­ցէր նաեւ նա­խա­րար Հրա­նոյշ Յա­կո­բեան։

Ող­ջու­նե­լով Սփիւռ­քի հայ­կա­կան կրթօ­ճախ­նե­րու ու­սու­ցիչ­նե­րը, մշա­կու­թա­յին խում­բե­րու ղե­կա­վար­նե­րը, լրագ­րող­ներն ու ե­րի­տա­սարդ ա­ռաջ­նորդ­նե­րը՝ Գա­լուստ Սա­հա­կեան կա­րե­ւո­րեց ա­նոնց այ­ցե­լու­թիւ­նը Հա­յաս­տան։ Ան ա­ռանձ­նա­պէս ու­րա­խու­թիւն յայտ­նեց, թէ հիւ­րե­րը այ­ցե­լու­թեան փու­թա­ցած էին նաեւ խորհր­դա­րան։ Սա­հա­կեան նշեց, թէ տա­րի­նե­րէ ի վեր սի­րով կը հան­դի­պի ա­մառ­նա­յին դպրո­ցի մաս­նա­կից­նե­րուն հետ։

Սա­հա­կեան բարձր գնա­հա­տեց Սփիւռ­քի նա­խա­րա­րու­թեան նա­խա­ձեռ­նու­թեամբ՝ Հա­յաս­տա­նի մէջ նման կրթա­կան ծրագ­րի մը կեան­քի կո­չուի­լը։ Ան ընդգ­ծեց, որ Սփիւռ­քի հայ­կա­կան կրթօ­ճախ­նե­րու ու­սու­ցիչ­նե­րուն դե­րը չա­փա­զանց կա­րե­ւոր է հա­յա­պահ­պան­ման ուղ­ղու­թեամբ։ Ան «Սփիւռք» ա­մառ­նա­յին դպրո­ցը հա­մա­րեց յա­ջող ծրա­գիր մը, կա­րե­ւո­րեց նաեւ ա­նոր շրջա­նակ­նե­րէն ներս ա­րե­ւե­լա­հա­յե­րէ­նի եւ ա­րեւմ­տա­հա­յե­րէ­նի մեր­ձե­ցու­մը՝ ան­մի­ջա­կան շփում­նե­րու ձե­ւա­չա­փին մէջ։

Ըն­դու­նե­լու­թեան տե­ւո­ղու­թեան Գա­լուստ Սա­հա­կեան հիւ­րե­րուն ներ­կա­յա­ցուց նաեւ խորհր­դա­րա­նի զա­նա­զան նա­խա­ձեռ­նու­թիւն­նե­րը, ո­րոնք մա­նա­ւանդ կը վե­րա­բե­րին հայ­կա­կան հար­ցին։

Իր կար­գին, Հրա­նոյշ Յա­կո­բեանն ալ շնոր­հա­կա­լու­թիւն յայտ­նեց Գա­լուստ Սա­հա­կեա­նին՝ ա­ւան­դա­կան դար­ձած այս ըն­դու­նե­լու­թեան հա­մար։ Ան եւս կա­րե­ւո­րեց ա­րեւմ­տա­հա­յե­րէ­նի եւ ա­րե­ւե­լա­հա­յե­րէ­նի մեր­ձա­ցու­մը եւ յի­շե­ցուց, թէ յա­ռա­ջի­կայ 29-30 Յու­լի­սին նա­խա­րա­րու­թիւ­նը հա­մա­ժո­ղով մը պի­տի ի­րա­կա­նաց­նէ այս նիւ­թին շուրջ։ Հրա­նոյշ Յա­կո­բեան մաս­նա­կից­նե­րուն կոչ ուղ­ղեց, որ­պէս­զի Սփիւռ­քի մէջ ի­րենց զա­ւակ­նե­րուն սոր­վեց­նեն հա­յե­րէն լե­զուն, սրբօ­րէն պա­հեն ու պահ­պա­նեն մեր մայ­րե­նին, որ ա­մե­նա­մեծ գրա­ւա­կանն է ազ­գա­պահ­պա­նու­թեան։

Բաց աս­տի, նոյն­պէս Սփիւռ­քի նա­խա­րա­րու­թեան կող­մէ կազ­մա­կեր­պուած «Ա­րի տուն» ծրագ­րի հին­գե­րորդ փու­լի մաս­նա­կից­նե­րը այ­ցե­լե­ցին Հա­յաս­տա­նի Պաշտ­պա­նու­թեան նա­խա­րա­րու­թիւն։ Ջեր­մօ­րէն ող­ջու­նե­լով ներ­կա­նե­րը՝ Հա­յաս­տա­նի Պաշտ­պա­նու­թեան նա­խա­րար Սէյ­րան Օ­հա­նեան ան­մի­ջա­կան մթնո­լոր­տի մը մէջ զրու­ցեց ա­նոնց հետ։ Ան ե­րի­տա­սարդ­նե­րուն բա­ցատ­րու­թիւն­ներ տուաւ հա­յոց բա­նա­կի ան­ցած ու­ղիին եւ կեր­տած պատ­մու­թեան շուրջ։ Նա­խա­րա­րը բա­նա­կին մա­սին խօ­սե­լու ա­ռըն­թեր անդ­րա­դար­ձաւ երկ­րի անվ­տան­գու­թեան վե­րա­բե­րեալ բազ­մա­թիւ խնդիր­նե­րու։ Ըստ ի­րեն, Սփիւռ­քի բա­րո­յա­կան ա­ջակ­ցու­թիւ­նը կրնայ մե­ծա­պէս նպաս­տել ա­նոնց լուծ­ման։ «Թող հայ ժո­ղո­վուր­դը վստահ ըլ­լայ, որ հայ­կա­կան բա­նա­կը իր առ­ջեւ դրած է մեր իսկ ժո­ղո­վուր­դի, հա­րա­զատ­նե­րու խա­ղա­ղու­թիւ­նը, ան­վան­գու­թիւ­նը ա­պա­հո­վե­լու խնդի­րը՝ եւ պի­տի ա­պա­հո­վէ», ը­սաւ Սէյ­րան Օ­հա­նեան։

Իր կար­գին, Հրա­նոյշ Յա­կո­բեանն ալ շնոր­հա­կա­լու­թիւն յայտ­նեց այս ջերմ ըն­դու­նե­լու­թեան հա­մար եւ կա­րե­ւո­րեց նման հան­դի­պում­նե­րուն նշա­նա­կու­թիւ­նը սփիւռ­քա­հայ ե­րի­տա­սարդ­նե­րուն տե­սա­կէ­տէ։

Սէյ­րան Օ­հա­նեան պա­տաս­խա­նեց նաեւ ե­րի­տա­սարդ­նե­րու հար­ցում­նե­րուն, իսկ ա­ւե­լի վերջ ա­նոնք այ­ցե­լե­ցին բա­նա­կի զօ­րա­մա­սե­րէն մին, ուր ծա­նօ­թա­ցան ա­ռօ­րեա­յին։

Միւս կող­մէ, «Ա­րի տուն» ծրագ­րի ի­րե­րա­յա­ջորդ փու­լե­րը կը շա­րու­նա­կուին խան­դա­վառ մթնո­լոր­տի մը մէջ։ Իւ­րա­քան­չիւր հեր­թա­փո­խին կազ­մա­կեր­պուած դի­մա­ւոր­ման եւ հրա­ժեշ­տի հան­դի­սու­թիւն­նե­րը խոր տպա­ւո­րու­թիւն կը գոր­ծեն ե­րի­տա­սարդ­նե­րուն վրայ եւ ան­մո­ռա­նա­լի հետք մը կը թո­ղուն ա­նոնց յի­շո­ղու­թեան մէջ։

Հրա­նոյշ Յա­կո­բեան «Ա­րի տուն»ի չոր­րորդ փու­լի փակ­ման հան­դի­սա­ւոր ա­րա­րո­ղու­թեան ըն­թաց­քին ե­րի­տա­սարդ­նե­րուն յոր­դո­րեց հա­ւա­տա­րիմ մնալ ազ­գա­յին ար­ժէք­նե­րուն, պահ­պա­նել մայ­րեր­նին, բնա­կու­թեան երկ­րին մէջ ըլ­լալ ար­ժա­նա­պա­տիւ քա­ղա­քա­ցի ու բարձր պա­հել հա­յու պա­տի­ւը։ «Մենք ձե­զի կ՚ը­սենք ցտե­սու­թիւն, այ­սինքն՝ հրա­ժեշտ կու տանք՝ դար­ձեալ ձեզ տես­նե­լու փա­փա­քով։ Մենք ձեզ կը սի­րենք, միշտ կը սպա­սենք», ը­սաւ ան։