ԿԻՒՄՐԻԻ ԱՆՀԱՒԱՏԱԼԻ ՈՂԲԵՐԳՈՒԹԵԱՆ ՈՃՐԱԳՈՐԾ ՎԱԼԵՐԻ ՓԵՐՄԵԱՔՈՎԻ ԴԱՏԱՎԱՐՈՒԹԻՒՆԸ ՊԻՏԻ ՍԿՍԻ ՅԱՋՈՐԴ ՇԱԲԱԹ

Կիւմ­րիի մէջ տա­րե­մու­տին ան­հա­ւա­տա­լի վայ­րա­գու­թիւ­նով մը ող­բեր­գու­թեան տե­ղի տուած ռուս զի­նուոր Վա­լե­րի Փեր­մեա­քո­վի դա­տա­վա­րու­թիւ­նը տե­ղի պի­տի ու­նե­նայ յա­ռա­ջի­կայ շա­բաթ՝ Օ­գոս­տո­սի 12-ին։ Ինչ­պէս ծա­նօթ է, Կիւմ­րիի մէջ տե­ղա­կա­յուած Ռու­սաս­տա­նի ռազ­մա­խա­րիս­խի զի­նուոր­նե­րէն Վա­լե­րի Փեր­մեա­քով Յու­նուա­րի 12-ին ինք­նա­կամ ձե­ւով լքած էր պա­հա­կա­կէ­տը եւ զէն­քով մուտք գոր­ծած քա­ղա­քի բնա­կիչ­նե­րէն Ա­ւե­տի­սեան ըն­տա­նի­քի բնա­կա­րա­նը։ Ան սպան­նած էր Ա­ւե­տի­սեան­նե­րու ըն­տա­նի­քի վեց ան­դամ­նե­րը ու վի­րա­ւո­րած նաեւ ա­նոնց նո­րա­ծի­նը, որ ա­ւե­լի վերջ մա­հա­ցած էր հի­ւան­դա­նո­ցի մէջ։ Դէպ­քէն վերջ Փեր­մեա­քով ռուս սահ­մա­նա­պահ­նե­րուն կող­մէ ձեր­բա­կա­լուած էր՝ Թուր­քիոյ սահ­մա­նը հա­տել փոր­ձե­լու ժա­մա­նակ։ Յա­ջոր­դող շրջա­նին ան խոս­տո­վա­նած էր նաեւ իր մեղ­քը։

«Ա­զա­տու­թիւն» ռա­տիօ­կա­յա­նի հա­ղոր­դում­նե­րով, Ե­րե­ւա­նի 5-րդ կա­յա­զօ­րա­յին զի­նուո­րա­կան դա­տա­րա­նը, որ կը գտնուի Ռու­սաս­տա­նի Հիւ­սի­սա­յին Կով­կա­սի շրջա­նա­յին զի­նուո­րա­կան դա­տա­րա­նի են­թա­կա­յու­թեան ներ­քեւ, կէս տա­րիով եր­կա­րաձ­գած է Վա­լե­րի Փեր­մեա­քո­վի կա­լան­քի ժամ­կէ­տը։ Ա­ւե­տի­սեան­նե­րու ըն­տա­նի­քի եօթ ան­դամ­նե­րը սպան­նած Վա­լե­րի Փեր­մեա­քո­վի դա­տա­վա­րու­թիւ­նը պի­տի սկսի Օ­գոս­տո­սի 12-ին։ Դա­տա­կան նիս­տը պի­տի կա­յա­նայ օ­րուան սկիզ­բին։ Դա­տա­րա­նի բան­բե­րը տե­ղե­կա­ցու­ցած է, թէ տե­ղի պի­տի ու­նե­նայ բաց դա­տա­վա­րու­թիւ­ն։