ԳԱՐՆԱՆԱՄՈՒՏԻ ՏՐԱՄԱԴՐՈՒԹԻՒՆ

Գարնանամուտը աստիճանաբար զգալի կը դառնայ ամէնուրեք։ Մէկ կողմէ բնութիւնը կը վերակենդանանայ, միւս կողմէ ալ մեծ քաղաքներու տրամադրութիւնը կը փոխուի։

Այս օրերուն, Երեւանի կեդրոնին մէջ ալ կը նկատուի եռուզեռ մը։ Մայրաքաղաքի գլխաւոր պողոտաներուն եւ փողոցներուն մէջ քաղաքապետարանը արդէն աշխատանքի ձեռնարկած է եւ թէ՛ զբօսաշրջիկները եւ թէ Երեւանի բնակիչները ականատես կը դառնան նորովի թարմութեան մը։