ՀՐԹԻՌՆԵՐՈՒ ԿԱՐԳԱԴՐՈՒԹԻՒՆ

Թուր­քիա-Սու­րիա սահ­մա­նի եր­կայն­քով տե­ղա­կա­յուած «Փաթ­րիոթ» հրթի­ռա­յին հա­մա­կար­գե­րը շա­բա­թա­վեր­ջին ա­ռաջ­նա­հեր­թօ­րէն զբա­ղե­ցու­ցին երկ­րին օ­րա­կար­գը։ Ար­դա­րեւ, Ա­մե­րի­կա­յի Միա­ցեալ Նա­հանգ­նե­րը ո­րո­շեց Թուր­քիա­յէն դուրս բե­րել այդ հա­մա­կար­գե­րը։ Ա­մե­րի­կեան կող­մը այս ո­րո­շու­մով երկ­րոր­դեց Գեր­մա­նիա­յին։ Այ­սինքն, թէ՛ Գեր­մա­նիա եւ թէ ԱՄՆ գրե­թէ նոյ­նա­ժա­մա­նակ յայ­տա­րա­րե­ցին, թէ ի­րենց «Փաթ­րիոթ»նե­րը դուրս կը բե­րեն Թուր­քիա­յէն։ Այդ հա­մա­կար­գե­րը տե­ղադ­րուած էին «Ի­րաք-Շա­մի իս­լա­մա­կան պե­տու­թիւն» (Ի­ՇԻՊ) ա­հա­բեկ­չա­կան խմբա­ւոր­ման դէմ Թուր­քիան պաշտ­պա­նե­լու ա­ռա­ջադ­րու­թեամբ, ՆԱ­ԹՕ-ի ա­ռա­քե­լու­թեան շրջագ­ծով։

Գեր­մա­նիոյ ո­րո­շու­մը կը մեկ­նա­բա­նուի զա­նա­զան հան­գա­մանք­նե­րու լոյ­սին տակ, սա­կայն ա­մե­րի­կեան կող­մին ո­րո­շու­մը ար­դէն կը բա­ցատ­րուի ա­ռա­ջին հեր­թին թեք­նիկ դրդա­պատ­ճառ­նե­րով։ Ան­գա­րա եւ Ո­ւա­շինկ­թըն հա­մա­տեղ յայ­տա­րա­րու­թիւ­նով մը տե­ղե­կա­ցու­ցին, թէ հրթիռ­նե­րը վե­րա­նո­րո­գու­թեան նպա­տա­կով ետ կը տա­րուին։ Անհ­րա­ժեշ­տու­թեան մը պա­րա­գա­յին ա­նոնք փու­թով պի­տի վե­րա­տե­ղա­կա­յուին Թուր­քիոյ մէջ։ Նոյն յայտարարութեան մէջ նշուած է, թէ արեւելեան Միջերկրականի մէջ գտնուող ամերիկեան նաւատորմի ռազմանաւերը մնալ կը շարունակեն տարածքաշրջանէ ներս, ինչ որ անհրաժեշտութեան պարագային կրնայ փոխարինել «Փաթրիոթ» համակարգերը՝ մինչեւ որ անոնք շաբթուան մը մէջ վերահաստատուին։