ՕՐՀՆՈՒԹԻՒՆ ԵՒ ՊԱՏԳԱՄ

Ե­րէկ, Ա­մե­նայն Հա­յոց Տ.Տ. Գա­րե­գին Բ. Կա­թո­ղի­կո­սի բարձր նա­խա­գա­հու­թեամբ, Մայր Ա­թոռ Սուրբ Էջ­միած­նի մէջ տե­ղի ու­նե­ցաւ կրթա­կան մշակ­նե­րու օրհ­նու­թեան կարգ։ Նկա­տի ու­նե­նա­լով, որ Հա­յաս­տա­նի մէջ այ­սօր սկսած է 2015-2016 կրթա­կան շրջա­նը, Վե­հա­փառ Հայ­րա­պե­տը վե­րա­մու­տի ըն­դա­ռաջ ըստ ըն­կա­լեալ սո­վո­րու­թեան ու­սու­ցիչ-ու­սուց­չու­հի­նե­րուն փո­խան­ցեց իր օրհ­նու­թիւն­ներն ու պատ­գա­մը։ Ա­ւան­դա­կան դար­ձած այս ա­րա­րո­ղու­թիւ­նը Սուրբ Էջ­միած­նի Մայր Տա­ճա­րի կա­մար­նե­րուն ներ­քեւ տե­ղի ու­նե­ցաւ յու­զում­նա­խառն մթնո­լոր­տի մը մէջ։ Ներ­կայ էին Հա­յաս­տա­նի Կրթու­թեան ու գի­տու­թեան նա­խա­րար Ար­մէն Ա­շո­տեան, պե­տա­կան եւ մաս­նա­ւոր հա­մալ­սա­րան­նե­րու վե­րա­տե­սուչ­ներ, ե­րես­փո­խան­ներ, կրթա­դաս­տիա­րակ­չա­կան կա­ռոյց­նե­րու ներ­կա­յա­ցու­ցիչ­ներ եւ Հա­յաս­տա­նի բո­լոր մար­զե­րէն դպրոց­նե­րու եւ ման­կա­պար­տէզ­նե­րու տնօ­րէն­ներ, կրթա­կան մշակ­ներ։

Ա­րա­րո­ղու­թիւ­նը սկսաւ Մայր Ա­թոռ Սուրբ Էջ­միած­նի Քրիս­տո­նէա­կան դաս­տիա­րա­կու­թեան կեդ­րո­նի տնօ­րէն Տ. Վար­դան Եպսկ. Նա­ւա­սար­դեա­նի ող­ջոյ­նի խօս­քով։ Ա­ւե­լի վերջ օրհ­նու­թեան կար­գը կա­տա­րուե­ցաւ հան­դի­սա­պե­տու­թեամբ Սուրբ Էջ­միած­նի Ա­րա­րո­ղա­կար­գի բաժ­նի տնօ­րէն Տ. Նա­թան Արք. Յով­հան­նի­սեա­նի։

Բո­լոր ներ­կա­նե­րը մագ­նի­սա­ցած ու­շադ­րու­թեամբ հե­տե­ւե­ցան Վե­հա­փառ Հայ­րա­պե­տի պատ­գա­մին։ Նո­րին Սրբու­թիւ­նը մաղ­թեց, որ կրթա­կան ո­լոր­տի ներ­կա­յա­ցու­ցիչ­նե­րու ջան­քե­րուն շնոր­հիւ հայ ազ­գի զա­ւակ­նե­րը ա­ճին ու հա­սակ առ­նեն որ­պէս Հա­յաս­տա­նի ար­ժա­նա­ւոր քա­ղա­քա­ցի­ներ, հա­յոց ե­կե­ղեց­ւոյ ար­ժա­նա­ւոր զա­ւակ­ներ ու դառ­նան հայ­րե­նի­քի յոյ­սը, ժո­ղո­վուր­դի բա­րօր ու պայ­ծառ օ­րուան կեր­տող­նե­րը։ «Ձեր աշ­խա­տան­քով դուք նաեւ կրնաք մեր զա­ւակ­նե­րու հո­գի­նե­րը դարձ­նել բեր­րի ար­տեր, ե­թէ հո­գա­ծու­թեամբ ու խնամ­քով, նա­խան­ձախնդ­րու­թեամբ եւ պա­տաս­խա­նա­տուու­թեան զգա­ցու­մով ի­րա­կա­նաց­նէք ձեր գոր­ծը», ը­սաւ Վե­հա­փառ Հայ­րա­պե­տը ու մաղ­թեց, թէ կրթա­կան մշակ­նե­րուն ներդ­րած ջան­քե­րը շա­րու­նակ ար­դիւ­նա­ւո­րուին, իսկ վաս­տա­կը միշտ ար­ժա­նա­ւո­րա­պէս գնա­հա­տուի մեր ժո­ղո­վուր­դի բո­լոր զա­ւակ­նե­րուն կող­մէ։ Վեր­ջա­ւո­րու­թեան Նո­րին Սրբու­թիւ­նը հայ­ցեց, որ Տի­րոջ օրհ­նու­թիւ­նը միշտ ու­ղե­կից ըլ­լայ ու­սու­ցիչ-ու­սուց­չու­հի­նե­րուն եւ զա­նոնք ա­ռաջ­նոր­դէ ման­կա­վար­ժի պա­տուա­կան ծա­ռա­յու­թեան մէջ։