ՆԻԿՈԼ ՓԱՇԻՆԵԱՆ ՎՐԱՍՏԱՆ Կ՚ԱՅՑԵԼԷ

Հայաստանի վարչապետ Նիկոլ Փաշինեան այսօր պաշտօնական այցելութիւն մը կու տայ Թիֆլիզ, ուր կը հիւրընկալուի Վրաստանի վարչապետ Իրակլի Քոպախիծէի կողմէ։ Պաշտօնական աղբիւրներու հաղորդումներով, երկու վարչապետները կ՚ունենան առանձնազրոյց մը, որմէ վերջ կը գլխաւորեն ընդլայնուած կազմով պատուիրակութիւններու բանակցութիւնները։ Թիֆլիզի մէջ նախատեսուած է նաեւ անոնց համատեղ մամլոյ ասուլիսը։