ՓԱՐԱՃԱՆՈՎԻ ՅՈԲԵԼԵԱՆԸ ԲԱՑԱՌԻԿ ՇՈՒՔՈՎ ԿԸ ՆՇՈՒԻ ԵՐԵՒԱՆԻ ՄԷՋ

Երեւանի մէջ այս օրերուն տեղի կ՚ունենան՝ հայ մշակոյթի հսկաներէն Սերկէյ Փարաճանովի ծննդեան 100-ամեակին ձօնուած յոբելենական ձեռնարկներ, որոնք կազմակերպուած են Հայաստանի կրթութեան, գիտութեան, մշակոյթի եւ մարմնամարզի նախարարութեան աջակցութեամբ։

«Արմէնփրէս»ի հաղորդումներով, այս յոբելեանին առթիւ Երեւանի Օփերայի պատմական շէնքն ու անոր յարած Ազատութեան հրապարակը յարդարուած են բացառիկ ձեւով։ Օփերայի շէնքն ու հրապարակը զարդարուած են այնպիսի խորհրդանշաններով, որոնք Փարաճանովի արուեստէն հետքեր կը կրեն եւ անոր ստեղծագործական աւանդին մասին բանալիներ կը մատուցեն։

Փարաճանովի 100-ամեակը ընդգրկուած է նաեւ ԻՒՆԷՍՔՕ-ի օրացոյցին վրայ։

Երեքշաբթի, Հոկտեմբեր 22, 2024